سندس بادشاهيءَ جي اٺين سال جڏهن هو اڃا ننڍو هو تڏهن کان وٺي هو پنهنجي وڏي دائود جي خدا جي طلب ۾ رهڻ لڳو. هن پنهنجي بادشاهيءَ جي ٻارهين سال کان يروشلم بلڪ سڄي يهوداہ کي غير معبودن جي پوڄا گھرن، يسيرہ ديويءَ جي مورتين، ۽ ٻين سڀني بتن کان پاڪ ڪرڻ جو ڪم شروع ڪيو.
هن انهن قربانگاهن تي سندن مذهبي اڳواڻن جا هڏا ساڙائي ڇڏيا، جن تي هو قربانيون پيش ڪندا هئا. اهڙيءَ طرح هن يروشلم بلڪ سڄي يهوداہ کي هڪ دفعو وري انهيءَ پليتيءَ کان پاڪ ڪري ڇڏيو.
يوسياہ جي بادشاهيءَ جي ارڙهين سال جڏهن هو ملڪ کي ۽ خداوند جي گھر کي بتپرستن جي پوڄا کان پاڪ ڪري چڪو، تڏهن هن سافن ولد اصلياہ، يروشلم شهر جي اعليٰ عملدار معسياہ ۽ يوآخ ولد يوآخز شاهي منتظم کي خداوند پنهنجي خدا جي گھر جي مرمت ڪرائڻ لاءِ موڪليو.
واڍن ۽ اڏاوت ڪندڙن کي ڏنا تہ جيئن اهي هيڪل جي عمارتن جي مرمت لاءِ تراشيل پٿر ۽ شهتيرن جا ڪاٺ خريد ڪن، جيڪي عمارتون يهوداہ جي بادشاهن جي بيڌيانيءَ سبب ڊهي ويون هيون.
جيڪي پئسا هيڪل جي گودام ۾ رکيا ويا هئا سي جنهن وقت ٻاهر ٿي ڪڍيا ويا تنهن وقت سردار ڪاهن خلقياہ کي ڪنهن هنڌان خداوند جي شريعت جو ڪتاب لڀي پيو جيڪو موسيٰ جي معرفت ڏنو ويو هو.
”اوهين وڃي منهنجي لاءِ ۽ اسرائيل ۽ يهوداہ ۾ باقي جيڪي بچيا آهن تن جي لاءِ هن لڌل ڪتاب ۾ جيڪي ڪجھہ لکيل آهي تنهن بابت خداوند کان پڇا ڪريو. اسان تي خداوند جو تمام گھڻو غضب اچي ڪڙڪيو آهي، ڇوجو اسان جي ابن ڏاڏن هن ڪتاب ۾ لکيل خداوند جي فرمان کي نہ مڃيندي ان جي سڀني ڳالهين تي عمل نہ ڪيو.“
تڏهن خلقياہ ۽ ٻيا ماڻهو جن کي بادشاهہ حڪم ڏيئي موڪليو هو سي خلدہ نبياڻيءَ ڏانهن ويا جيڪا يروشلم جي نئين آباديءَ واري علائقي ۾ رهندي هئي. هن جو مڙس سلوم ولد تقوم ولد خرخس هو ۽ هو هيڪل جي توشاخاني جو نگران هو.
خداوند ، بني اسرائيل جي خدا جو هي فرمان ٻڌايو تہ ’ياد رکو، آءٌ يروشلم شهر تي ۽ هتي جي رهاڪن تي مصيبت آڻڻ وارو آهيان. هن ڪتاب ۾ لکيل اهي سڀ لعنتون ملامتون جيڪي يهوداہ جي بادشاهہ جي اڳيان پڙهيون ويون آهن سي سڀ آڻيندس.
پوءِ بادشاهہ پنهنجي جاءِ تي بيهي خداوند جي حضور ۾ نئين سر عهد ڪيو تہ ”اسين خداوند جا وفادار رهنداسين، سندس حڪمن ۽ قاعدن قانونن کي پنهنجي دل وَ جان سان مڃينداسين، يعني جيڪي عهد واريون ڳالهيون هن ڪتاب ۾ لکيل آهن تن سڀني تي عمل ڪنداسين.“