Tshiotshi tshiakimana ha nyima ha ngombe dikumi ne ibidi; isatu yakatangila ku nôde, isatu ku wesete, isatu ku sude ne isatu ku esete; tshiowelu tshiakadi ha nyima hai; mikila yai yakadi mituangane muinshi mua tshiowelu.
Muhimbu watshi wakadi bu ntanta wa tshianza; wakalengeshibua bu mubangu wa luhanza, bu tshifuanyikishi tshia tshilongo; tihiakûla tente ne bihiminu bia mai binunu bisatu.
Wakenza biowelu bikuabo dikumi, wakateka bitanu ku tshianza tshia halume ne bitanu ku tshianza tshia bakashi, bua kuoweshamu bintu biakafilabo bu milambu ya kuosha; kadi bakuidi bakowela mu tshiowelu tshinene.
Wakatula bitekelu bia minda bia or dikumi bu muakamba mukenji wakabiteka mu ntempelo, bitanu ku tshianza tshia balume ne bitanu ku tshianza tshia bakashi.
ne bifuanyikishi bia mamuma a grenade nkama inai bia kulengesha nʼabi makunshi, milongo ibidi ya grenade ku dikunshi ku dikunshi bia kuteka ku bintu bilengele biakadi ku mutu kua makunshi.
Bivuadi ne nkasu ne bitubuidi bia munyinyi ne mpanza yonso, Hulama tatu wandi wakatudila Solomo bintu ebi bionso ne tshiamu tshia mitaku tshiakadi tshikenka bia kutekeye mu nsubu wa Yehowa.
ne bijimishi bia minda ne mpanza ne nkutu ne bivuadi bia kutekamu kahia, bia or mimpe; ne ku bibuelelu bia nsubu wakateka bibi bia ku muaba wa tshijila ne bibi biakadi munda mua nsubu, ntempelo mene, biakadi bia or.