|
| 1 |
|
| سَيْ سُلَيْمَٰنُ يَثٜىٰ، «يَا يَهْوٜىٰهْ ، كَثٜىٰ غِذَغِظَيْ مَاسُ دُهُ سُنْ كَسَنْثٜىٰ وُرِنْ ذَمَنْكَ؞ |
|
| 2 |
|
| غَاشِ، نَغِنَ مَكَ غِدَا مَيْ دَرَجَ عِنْدَ ذَاكَ كَسَنْثٜىٰ حَرْ أَبَدَا؞» |
|
| 3 |
|
| يَايِنْ دَ دُكَنْ تَارُوانْ جَمَعَرْ إِسْرَٰٓءِيلَ سُنَانَنْ ڟَيٜىٰ أَوُرِنْ، سَيْ سَرْكِے سُلَيْمَٰنُ يَجُويَ يَڢُسْكَنْثٜىٰسُ، يَسَا مُسُ أَلْبَرْكَ يَثٜىٰ، |
|
| 4 |
|
| «أَلْبَرْكَ تَا تَبَّتَا غَ يَهْوٜىٰهْ اللَّهْ نَ إِسْرَٰٓءِيلَ! غَ يَهْوٜىٰهْ وَنْدَ تَهَنُّنْسَ يَثِكَ أَلْڧَوَرِنْ بَاكِنْسَ وَنْدَ يَيِ وَبَابَنَ دَاوُدَ؞ |
|
| 5 |
|
| «غَمَا يَهْوٜىٰهْ يَثٜىٰ وَبَابَنَ، ‹تُنْدَغَ رَانَرْدَ نَڢِتَرْدَ مُتَنٜىٰنَ دَغَ مَصَرْ، بَنْ تَٻَ ذَاٻٜىٰنْ وَنِ بِرْنِ عَثِكِنْ ذُرِيَرْ إِسْرَٰٓءِيلَ عِنْدَ ذَنْ غِنَا غِدَا دُواْمِنْ عَيِ سُجَّدَ دَ سُونَنَ بَ؞ بَنْ كُمَ ذَاٻِ وَنِ يَشُوغَبَنْثِ جَمَعَتَ إِسْرَٰٓءِيلَ بَ؞ |
|
| 6 |
|
| عَمَّا يَنْذُ نَذَاٻِ عُرُوشَلِيمَ تَكَسَنْثٜىٰ عِنْدَ ذَاعَيِ سُجَّدَ دَ سُونَنَ؞ نَكُمَ ذَاٻِ دَاوُدَ يَشُوغَبَنْثِ جَمَعَتَ إِسْرَٰٓءِيلَ؞› |
|
| 7 |
|
| «بَابَنَ دَاوُدَ يَيِ نِيَّ يَغِنَ غِدَا دُواْمِنْ أَغِرْمَمَ سُونَنْ يَهْوٜىٰهْ اللَّهْ نَ إِسْرَٰٓءِيلَ؞ |
|
| 8 |
|
| عَمَّا يَهْوٜىٰهْ يَثٜىٰ مَسَ، ‹يَنَ دَݣَوْ يَدَّ كَيِ نِيَّ كَغِنَ مِنِ غِدَا دُواْمِنْ أَغِرْمَمَ سُونَنَ، |
|
| 9 |
|
| عَمَّا دُكْدَهَكَ، بَكَيْنٜىٰ ذَاكَ غِنَا غِدَنْبَ؞ طَنْكَ وَنْدَ ذَاعَ حَيْڢَ مَكَ نٜىٰ ذَيْ غِنَا غِدَنْ دُواْمِنْ أَغِرْمَمَ سُونَنَ؞› |
|
| 10 |
|
| «غَاشِ كُوَ يَهْوٜىٰهْ يَا ثِكَ أَلْڧَوَرِنْ دَ يَيِ؞ يَوْ نَغَاجِ بَابَنَ دَاوُدَ، نَذَوْنَ عَكُجٜىٰرَرْ مُلْكٍ إِسْرَٰٓءِيلَ بِسَغَ أَلْڧَوَرِنْ يَهْوٜىٰهْ ، نَكُمَ غِنَا غِدَا دُواْمِنْ أَغِرْمَمَ سُونَنْ يَهْوٜىٰهْ اللَّهْ نَ إِسْرَٰٓءِيلَ؞ |
|
| 11 |
|
| عَثِكِنْ غِدَنْ كُوَ نَأَجِيٜىٰ عَݣُوتِنْ يَرْجٜىٰجٜىٰنِيَرْ يَهْوٜىٰهْ وَنْدَ عَثِكِنْسَ أَݣَويْ أَ رُبُوتَثِّيَرْ يَرْجٜىٰجٜىٰنِيَرْ دَ يَهْوٜىٰهْ يَيِ دَ مُتَنٜىٰنْ إِسْرَٰٓءِيلَ؞» |
|
| 12 |
|
| أَغَبَنْ تَارُوانْ جَمَعَرْ إِسْرَٰٓءِيلَ سَرْكِے سُلَيْمَٰنُ يَڟَيَ أَغَبَنْ بَغَدٜىٰنْ يَهْوٜىٰهْ ، يَمِيڧَ حَنُّوَنْسَ سَمَ؞ |
|
| 13 |
|
| دَا مَا سُلَيْمَٰنُ يَيِ وَنِ وُرِنْ ڟَيَاوَا مَيْ ڟَيِ دَ ڧَرْڢٜىٰنْ تَغُلَّ؞ ڢَاطِنْسَ ڧَڢَا بَݣَويْ دَ رَبِے، ڟَوُانْسَ ڧَڢَا بَݣَويْ دَ رَبِے، كُمَ ڟَيِنْسَ ڧَڢَا بَݣَويْ دَ رَبِے؞ يَكَڢَشِ أَڟَكِيَرْ ڢِيلِنْ غِدَنْ؞ سَيْ يَهَوْ وَنَّنْ وُرِنْ ڟَيَاوَرْ يَدُرْڧُسَ أَغَبَنْ تَارُوانْ جَمَعَ، يَمِيڧَ حَنُّنْسَ سَمَ يَدَّ كُواْوَ يَنَ عِيَ غَنِنْسَ؞ |
|
| 14 |
|
| سَيْ يَيِ أَدُّعَ يَثٜىٰ، «يَا يَهْوٜىٰهْ اللَّهْ نَ إِسْرَٰٓءِيلَ، بَابُوَنِ اللَّهْ كَمَرْكَ عَثَنْ سَمَ كُواْ أَنَنْ دُونِيَا! كَنَ كِيَايٜىٰ يَرْجٜىٰجٜىٰنِيَرْكَ، كَنَ كُمَ نُونَ ڧَوْنَرْكَ مَرَرْ ثَنْجَاوَا غَ دُكَنْ مَاسُ تَڢِيَ تَرٜىٰدَكَيْ دَ دُكَنْ ذُوثِيَارْسُ؞ |
|
| 15 |
|
| كَيْ كَثِكَ أَلْڧَوَرِنْدَ كَيِ وَبَابَنَ دَاوُدَ، وَنْدَ كَڢَطَا دَ بَاكِنْكَ كَكُمَ عَيْكَتَ يَوْ دَ حَنُّنْكَ؞ |
|
| 16 |
|
| «يَنْذُ يَا يَهْوٜىٰهْ اللَّهْ نَ إِسْرَٰٓءِيلَ، بَرِ كَثِكَ أَلْڧَوَرِنْدَ كَيِ وَبَاوَنْكَ بَابَنَ دَاوُدَ دَ كَثٜىٰ مَسَ، ‹عِدَنْ یَیَنْكَ مَظَا ذَاسُ لُورَ دَ رَايُوَرْسُ، سُكُمَيِ تَڢِيَ تَرٜىٰدَنِ كَمَرْ يَدَّ كَيْ كَيِ، تُواْ، كُلُّمْ ذَاعَ سَامِ وَنِ دَغَ ثِكِنْ عِيَلِنْكَ دَ ذَيْ غَاجِ كُجٜىٰرَرْ مُلْكٍ إِسْرَٰٓءِيلَ؞› |
|
| 17 |
|
| يَنْذُ يَا اللَّهْ نَ إِسْرَٰٓءِيلَ، بَرِ كَتَبَّتَرْ دَ مَغَنَرْ أَلْڧَوَرِنْكَ وَدَّ كَيِ وَبَاوَنْكَ بَابَنَ دَاوُدَ؞ |
|
| 18 |
|
| «عَمَّا كُواْ ذَيْ يِوُ اللَّهْ يَذَوْنَ دَ مُتُمْ عَدُونِيَا؟ سَمَنْ سَمَّيْ مَا بَسُ إِشٜىٰكَبَ، بَلّٜىٰ مَا وَنَّنْ غِدَنْدَ نَغِنَ؞ أَيْ، بَيْ إِسَ كُواْمٜىٰبَ! |
|
| 19 |
|
| دُكْدَهَكَ، جِ أَدُّعَ دَ ضُواْڧُوانْ دَنِے بَاوَنْكَ نَكٜىٰيِ مَكَ، يَا يَهْوٜىٰهْ اللَّهْ نَا؞ كَكَسَ كُنّٜىٰ غَ كُوكَا دَ أَدُّعَرْ دَنِے بَاوَنْكَ نَكٜىٰيِ مَكَ يَوْ؞ |
|
| 20 |
|
| بَرِ كَدِنْغَ سَا عِدَنُونْكَ نَأَلْحٜىٰرِ عَكَنْ وَنَّنْ غِدَا دَرٜىٰ دَ رَانَ، وَتُواْ عِنْدَ كَثٜىٰ ذَاكَسَا عَيِ سُجَّدَ دَ سُونَنْكَ؞ بَرِ كَجِ أَدُّعَتَ سَعَدَّ نَڢُسْكَنْثِ وُرِنَّنْ إِنَ أَدُّعَ؞ |
|
| 21 |
|
| بَرِ كَجِ ضُواْڧٜىٰ ضُواْڧٜىٰنَ دَ نَجَمَعَرْكَ سَعَدَّ سُكَ ڢُسْكَنْثِ وُرِنَّنْ سُنَ أَدُّعَ؞ بَرِ كَجِيمُ دَغَ سَمَ عِنْدَ كَكٜىٰ ذَمَ، كَجِ كَغَاڢَرْتَا مَنَ؞ |
|
| 22 |
|
| «مَيْ يِوُوَ وَنِ يَظَرْغِ وَنِ عَكَنْ يَسَامٜىٰشِ دَ لَيْڢِے، حَرْ عَكَكَٰوُاْ مُتُمِنْ أَغَبَنْ بَغَدٜىٰنْكَ ثِكِنْ غِدَنْكَ دُواْمِنْ ضَنْڟُوَا؞ إِنْ كُوَ يَرَنْڟٜىٰ ثٜىٰوَ بَاشِ دَ لَيْڢِے، |
|
| 23 |
|
| يَا يَهْوٜىٰهْ ، سَيْكَجِ دَغَ سَمَ؞ كَيِ وَبَايِنْكَ شَرِيعَ؞ كَحُكُنْتَ مَيْ لَيْڢِے، كَمَيْدَ لَيْڢِنْسَ عَكَنْسَ؞ مَيْ غَسْكِيَ كُمَ كَنُونَ شِے مَرَرْ لَيْڢِے نٜىٰ بِسَغَ غَسْكِيَرْسَ؞ |
|
| 24 |
|
| «مَيْ يِوُوَ أَبُواْكَنْ غَابَنْ جَمَعَرْكَ إِسْرَٰٓءِيلَ سُنْثِسُ دَ يَاڧِ سَبُواْدَ جَمَعَرْكَ سُنْيِ مَكَ ذُنُوبِ؞ عَمَّا عِدَنْ جَمَعَرْكَ سُكَ جُويُواْ غَرٜىٰكَ، سُكَ تَبَّتَرْ دَ غِرْمَنْ سُونَنْكَ، سُكَيِ أَدُّعَ، سُكَيِ ضُواْڧُواْ أَغَبَنْكَ أَوَنَّنْ غِدَا، |
|
| 25 |
|
| سَيْكَجِ دَغَ سَمَ؞ كَغَاڢَرْتَا مُسُ ذُنُبَنْسُ، كَكُواْمَرْ دَسُو ذُوَا وَنَّنْ ڧَسَرْدَ كَبَاسُ، سُو دَ كَاكَنِّنْسُ؞ |
|
| 26 |
|
| «مَيْ يِوُوَ عَكَ كُلّٜىٰ سَرَرِنْ سَمَ، حَرْ ضُوً سَمَ بَيْ سَوْكُواْ بَ سَبُواْدَ مُتَنٜىٰنْكَ سُنْيِ مَكَ ذُنُوبِ؞ عِدَنْ سُكَيِ أَدُّعَ سُنَ ڢُسْكَنْتَرْ غِدَنَّنْ، سُكَ تَبَّتَرْ دَ غِرْمَنْ سُونَنْكَ، سُكَ جُويَا دَغَ ذُنُبَنْسُ سَبُواْدَ كَحُكُنْتَسُ، |
|
| 27 |
|
| سَيْ كَجِ دَغَ سَمَ؞ كَغَاڢَرْتَ ذُنُبَنْ بَايِنْكَ وَتُواْ جَمَعَرْكَ إِسْرَٰٓءِيلَ؞ كَكُواْيَ مُسُ حَنْيَرْ رَايُوَا مَيْݣَوْ وَدَّ ذَاسُبِے؞ سَعَنً، يَا يَهْوٜىٰهْ ، كَعَيْكَ دَ ضُوً سَمَ عَڧَسَرْدَ كَبَا مُتَنٜىٰنْكَ تَذَمَ ڧَسَرْسُ تَغَادُواْ؞ |
|
| 28 |
|
| «مَيْ يِوُوَ عَكَيِ يُنْوَ عَڧَسَرْ، كُواْ بَلَعِ، كُواْ إِسْكَ مَيْ ذَاڢِ مَيْ يَنْڨُونٜىٰ أَمْڢَانِنْ غُواْنَ، كُواْ ڢُمْڢُنَ، كُواْ ڢَارِ، كُواْ كُمَ ڟُڟُواْڟِ سُنْ ڢَاطَوَ أَمْڢَانِنْ غُواْنَرْسُ، كُواْ كُوَ عِدَنْ أَبُواْكَنْ غَابَنْ مُتَنٜىٰنْكَ سُنْ شِغَ ڧَسَرْ سُكَ كٜىٰوَيٜىٰ غَرُرُوَنْسُ، كُواْ كُوَ أَݣَويْ ثُوتُتُّكَ دَ رَشِنْ لَاڢِيَ عَثِكِنْ مُتَنٜىٰنْ؞ |
|
| 29 |
|
| عِدَنْ وَنِ مُتُمْ كُواْ دُكَنْ جَمَعَرْكَ سُنْيِ أَدُّعَ كُواْ سُنْيِ ضُواْڧُواْ، سَبُواْدَ سُنْ غَانٜىٰ دَ دَامُوَرْ ذُوثِيَارْسُ حَرْ سُنَ مِيڧَ حَنُّوَنْسُ سُنَ ڢُسْكَنْتَرْ غِدَنَّنْ، |
|
| 30 |
|
| سَيْكَجِ دَغَ سَمَ عِنْدَ كَكٜىٰ ذَمَ؞ كَغَاڢَرْتَا مُسُ، كَطَوْكِ مَتَاكِ، كَبِدَ كُواْوَ بِسَغَ يَدَّ يَثَنْثَنْتَ، غَمَا كَا سَنْ ذُوثِيَارْسَ، سَبُواْدَكَيْ كَطَيْ كَاسَنْ تُنَانِنْ ذُوثِيَارْ مُتُمْ؞ |
|
| 31 |
|
| تَهَكَ مُتَنٜىٰنْكَ ذَاسُجِڟُواْرُوانْكَ سُيِ تَڢِيَ عَثِكِنْ حَنْيَرْكَ دُكَنْ ݣُونَكِنْ دَ ذَاسُ كَسَنْثٜىٰ عَڧَسَرْدَ كَبَا كَاكَنِّنْمُ؞ |
|
| 32 |
|
| «مَيْ يِوُوَ بَڧُواْ وَنْدَ بَ دَغَ ثِكِنْ جَمَعَرْكَ إِسْرَٰٓءِيلَ بَ يَاذُواْ دَغَ وَتَ ڧَسَا مَيْ نِيسَ سَبُواْدَ يَجِ غَمٜىٰدَ غِرْمَنْ سُونَنْكَ دَ حَنُّنْكَ مَيْ إِيكُواْ دَ مَنْيَنْ أَيُّكَنْكَ نَبَنْ مَامَاكِ؞ عِدَنْ يَا ذُواْ يَيِ أَدُّعَ يَنَ ڢُسْكَنْتَرْ غِدَنَّنْ، |
|
| 33 |
|
| سَيْ كَجِ دَغَ سَمَ عِنْدَ كَكٜىٰ ذَمَ؞ كَيِ دُكْ أَبِنْدَ بَڧُوانْ يَضُواْڧَا، دُواْمِنْ دُكَنْ ڧَبِيلُنْ دُونِيَا سُسَنْ سُونَنْكَ سُغِرْمَمَكَ، كَمَرْ يَدَّ جَمَعَرْكَ إِسْرَٰٓءِيلَ سُكٜىٰ غِرْمَمَكَ؞ ذَاسُ كُمَ سَنِ ثٜىٰوَ وَنَّنْ غِدَنْدَ نَغِنَ أَنْسَنْ شِ دَ سُونَنْكَ نٜىٰ؞ |
|
| 34 |
|
| «مَيْ يِوُوَ مُتَنٜىٰنْكَ سُكَ ڢِتَ يِنْ يَاڧِ دَ أَبُواْكَنْ غَابَنْسُ؞ دُكْ عِنْدَ ذَاكَ عُمَرْثٜىٰسُ سُتَڢِے، إِنْ سُنْيِ أَدُّعَ سُنَ ڢُسْكَنْتَرْ وَنَّنْ بِرْنِنْدَ كَذَاٻَا دَ كُمَ وَنَّنْ غِدَنْدَ نَغِنَ دُواْمِنْ أَغِرْمَمَ سُونَنْكَ، |
|
| 35 |
|
| سَيْ كَجِ أَدُّعَرْسُ دَ ضُواْڧُوانْسُ دَغَ سَمَ؞ كَيِ مُسُ أَبِنْدَ يَدَاثٜىٰ؞ |
|
| 36 |
|
| «مَيْ يِوُوَ مُتَنٜىٰنْكَ سُكَيِ مَكَ ذُنُوبِ، غَمَا بَ طَنْ أَدَمْ دَ بَايَ ذُنُوبِ، كَكُمَيِ ڢُشِے دَسُو كَبَاشٜىٰسُ أَ حَنُّنْ أَبُواْكَنْ غَابَنْسُ، حَرْ عَكَ ݣُوشٜىٰسُ ذُوَا وَتَ ڧَسَا مَيْ نِيسَ كُواْ كُسَ؞ |
|
| 37 |
|
| مَيْ يِوُوَ كُمَ سُكَ ثَنْجَ ذُوثِيَارْسُ عَڧَسَرْدَ عَكَ كَيْسُ بَوْتَا، حَرْ سُكَ تُوبَ سُكَ ضُواْڧٜىٰكَ سُكَثٜىٰ، ‹مُنْيِ مَكَ ذُنُوبِ، بَمُيِ دَيْدَيْبَ، مُنْ عَيْكَتَ مُغُنْتَا›؞ |
|
| 38 |
|
| عِدَنْ كُمَ سُكَ تُوبَ دَ دُكَنْ ذُوثِيَارْسُ دَ حَنْكَلِنْسُ عَڧَسَرْدَ سُكٜىٰ بَوْتَا، سُكَيِ مَكَ أَدُّعَ سُنَ ڢُسْكَنْتَرْ ڧَسَرْدَ كَبَا كَاكَنِّنْسُ دَ بِرْنِنْدَ كَذَاٻَا دَ كُمَ غِدَنْدَ نَغِنَ دُواْمِنْ أَغِرْمَمَ سُونَنْكَ، |
|
| 39 |
|
| سَيْ كَجِ أَدُّعَرْسُ دَ ضُواْڧُوانْسُ دَغَ سَمَ عِنْدَ كَكٜىٰ ذَمَ؞ كَيِ مُسُ أَبِنْدَ يَدَاثٜىٰ؞ |
|
| 40 |
|
| «يَنْذُ ڢَا، يَا اللَّهْ نَا، بَرِ كَسَا عِدَنُونْكَ نَأَلْحٜىٰرِ عَكَنْ وُرِنَّنْ، كَكُمَ كَسَ كُنّٜىٰ غَ أَدُّعُواْعِنْ دَ ذَاعَيِ أَوَنَّنْ وُرِے؞ |
|
| 41 |
|
| يَا يَهْوٜىٰهْ اللَّهْ ، كَتَاشِ ذُوَا وُرِنْ هُوتُنْكَ، كَيْ دَ عَݣُوتِنْ نُونَ إِيكُوانْكَ؞ يَا يَهْوٜىٰهْ اللَّهْ ، بَرِ ڢِرِسْتُواْثِنْكَ سُكَسَنْثٜىٰ دَ ثٜىٰتُوانْكَ؞ بَرِ مَاسُ ڧَوْنَرْكَ سُيِ ڢَضٍ ثِكِ سَبُواْدَ أَلْحٜىٰرِنْكَ؞ |
|
| 42 |
|
| يَا يَهْوٜىٰهْ اللَّهْ ، كَدَ كَڧِ سَرْكِنْدَ كَكٜىٰٻٜىٰ؞ كَتُنَ دَ ڧَوْنَرْكَ مَرَرْ ثَنْجَاوَا غَ بَاوَنْكَ دَاوُدَ؞» |
|
|
|
|