Sar kana ikandem me foro katar o Ejipto, ni esvirisardem ni iekhe vicha katar o Israel te sai vazden mange iek cher te avel mo anav ande le, ta ni esvirisardem ni iekhe llene te gazdaril pe mo foro o Israel,
Ta o Del cherda so achilo po alav, soke thoda man po than me dadeko e Davideko, ta beslem po trono katar o Israel, ta vazdiem cher e Devleke, o Del e Israeleko.
Soke o Salomon cherdaia iek stali tuchno kai sea le dui pole ta iek cheperko ando lungipe, isto gia o bulipe. Iek pola ta iek cheperko llik upre. Ta o Salomon thodaia le ande bar e chereki. Mapalal dia changenchar angla sa e israelitura kai chidinialea, ta inzarda pe va karing o miloso,
ta phenda: Devla, o Del e Israeleko, inai ando miloso ta ande phuv ni iek Del sargo tu kai chere so ache po alav ta kai si chuke zalba e llenendar kai llan sa pe liea angla tu,
Goleke Devla e Israeleko, cher so jalan sovel che slugake o David mo dad, kana phendan leke kai suako drom ka avel iek murus leko, kai ka besel po trono katar e charoina, samo te llan prema cho zakono sar cherda le mo dad.
Na muk te dikhe pe gava cher ni ollivesea ta ni orachaia, soke gava cher si o than kai tu phendan: Mo anav ka avel kote. Asun o molipe katar cho sluga kai molilpe kate.
Asun o molipe katar cho sluga ta katar cho foro o Israel. Kana ka moli amen pe gava than tu ka asune amen ando miloso kote kai zivi, ta ka prosti amen.
tu ka asune e milosotar ta ka krisi che slugen. Ka dukhave e bilache ta ka chere te perel pe leko soro sa leko bilachipe, ta e lache ka lline le lacho prema leko lachipe.
Te dobina e dusmanura che foro e Israele pala fisavo bilachipe kai cherde angla tu. Ta te irinape tute, ta blagosina cho anav, ta te molinape chuke ande gava cher,
Te na diapeke soke cho foro cherda o bilachipe angla tu, ta te molinape chuke karing gava cher, ta te phenena cho anav, ta te irinape tute, kana tu ka dukhave len,
tu ka asune len e milosotar ta ka prosti o bilachipe katar che sluge ta katar cho foro o Israel, ta ka sikave len o drom o lacho kai morabi te llan, ta ka chere te delpeke pe gaia phuv kai muklan te achel che foroke.
Kana ka avel e bok ande phuv, o kana ka aven muke, o ka sukon e patra pala o baro tatipe, o kana ka aven e langoste ta e pisoma. Kana ka aven e dusmanura pe amare forura te den pe lende, o kana ka avel fisavi aver ezgoda bilachi o nasualipe,
tu ka asune e milosotar, kote kai zivi, ta ka prosti ta ka de suakone llene prema e ezgode kai cherda, ta prema so si ande leko lio, soke samo tu pinllare o lio e manusengo.
tu ka asune e milosotar kote kai zivi, ta ka chere sa so ka mangel tutar o lleno kai inai katar cho foro. Te sai pinllaren cho anav sa phuvia ta te daran tutar, sargo cho foro o Israel, ta te acharen kai cho anav si blagosime pe gava cher kai me vazdiem.
Ta te cherena chuke o bilachipe, soke inai ni iek lleno kai ni cherel o bilachipe, ta ande joli pe lende tu cherea te dobin lenge dusmanura ta te inllaren len phangle, dur o pase katar lengi phuv,
Te keinape sa pe liea ta sa pe duoia ande phuv katar lengo dusmanura, ta te molinape chuke karing e phuv kai dian lenge puranen, karing o foro kai tu esvirisardan, ta karing o cher kai me vazdiem che anaveke,
Uste Devla, ta aide kote kai ka bese, tu ta e arka katar chi zor, che popura te furiadon ando braduipe, ta che llene sante te veselinpe ando cho lachipe.