پر مون تيستائين انهن تي اعتبار نہ پئي ڪيو جيستائين اچي پنهنجين اکين سان نہ ڏٺم. مون کي تہ تنهنجي ڏاهپ جو اڌ بہ نہ ٻڌايو ويو هو. مون تنهنجي جيڪا هاڪ ٻڌي هئي تنهن کان تون گھڻو وڌيڪ آهين.
هن ٽي سؤ ننڍيون ڍالون پڻ ٺهرايون جن جي مٿان سون جا پٽ چاڙهايائين. هر هڪ ڍال تي پوڻا ٻہ ڪلوگرام سون لڳو. اهي سڀ بادشاهہ لبنان جي ٻيلي واري ڪاٺ مان ٺهيل محل ۾ رکرايون.
انهيءَ تخت کي ڇهہ ڏاڪا هئا ۽ هڪ سوني پيرن جي صندلي ان سان ڳنڍيل هئي. ويهڻ جي جاءِ جي ٻنهي پاسن کان ٻہ ٻانهيون بہ هيون. ٻنهي ٻانهين جي ڀرسان شينهن جو هڪ هڪ مجسمو لڳل هو.
بادشاهہ سليمان جا سڀ پيالا سون جا هئا ۽ لبنان جي ٻيلي واري ڪاٺ مان ٺهيل محل جا سڀيئي ٿانوَ پڻ نج سون جا هئا. ڪا هڪڙي شيءِ بہ چانديءَ جي ٺهيل ڪانہ هئي، ڇو تہ تن ڏينهن ۾ چاندي ليکي ۾ ئي نہ ايندي هئي.
سليمان کي تجارتي سامونڊي جهاز هئا جيڪي حيرام بادشاهہ جي جهازن سان ايندا ويندا هئا. هر ٽئين سال اهي جهاز ترسيس کان ٿي موٽندا هئا ۽ پاڻ سان سون، چاندي ۽ عاج، باندر ۽ مور آڻيندا هئا.
سليمان جا ٻيا سڀيئي ڪم، شروع کان آخر تائين ”ناتن نبيءَ جي تواريخ“، ”اخياہ سيلائيءَ جي معرفت پيغام“ ۽ ”عيدو غيبدان جون ڏٺل رويائون“ ۾ لکيل آهن. انهيءَ پوئين ڪتاب ۾ اسرائيل جي بادشاهہ يربعام ولد نباط جو بيان بہ لکيل آهي.
پوءِ سليمان وفات ڪري وڃي پنهنجن ابن ڏاڏن سان آرامي ٿيو. کيس پنهنجي پيءُ دائود جي شهر ۾ دفنايو ويو. کانئس پوءِ سندس پٽ رحبعام سندس جاءِ تي بادشاهہ بڻيو.