b kolga a Zorobabɛl, a Zozuwe la sagsa kãsem-dãmbã n yeel-ba: «Tõnd dat n naaga yãmb n me. Tõnd ne yãmb pʋgda Wẽnd a ye. Tõnd kõt-b-la maando al a Asaradõ, Asʋr dĩma, sẽn tall tõnd tɩ d yi yembdã n lɛɛg n wa ka. Al n ta rũnna d ka teem ye.»
Dẽ la a Zorobabɛl, a Zozuwe la kãsem-dãmb a taabã leok-ba: «Meeba ka tõnd ne yãmb n na n naag taab n me ye, ya tõnd bala n na n me roogã n kõ Naaba-Wẽnde, a Israyɛl Wẽnnaam. Pʋs n yaa woto la Pɛrs dãmb dĩm a Sirus kõ noore tɩ b maane.»
A Artazerksɛs wẽnde, a Bislam, a Mitridat ne a Tabeyɛl la b tũud-n-taase le gʋlsa beedo Zerizalɛɛm dãmb poorẽ. Sebra goama la a gʋlsga da yaa Aram dãmb dẽnna.
Dĩm sõngo, togame tɩ d wilg yã tɩ neb niyns sẽn yi fo nengẽ n lɛɛg n wa be ne tõnd Zerizalɛɛm, dat n le yika Zerizalɛɛm, tẽng ning sẽn ka be sugri la sẽn ya tõata. B rat n le yika a lalsã. Yaa meeb sẽn tar pãng zugu la b na n dogl lal-gũbrã.
Y tog n bãngame tɩ tẽnga sã n me tɩ lal-gũbra yiki, a kẽedba pa na n le yao yõor yaood ye, b kõn wa ne kood ye, b kõn yao sor n paam n kẽedẽ la b yit ye, yaa bõne la bõn bala la y na n dɩ, yãmb la dĩm dãmb sẽn na n pʋg b yãmbã.
Y sã n kɩt tɩ b karem y ba-rãmb sẽn gʋls fãa tẽnga poorẽ, y na bãng tɩ tẽnga ka reegd naana ye, n takd yel-beedo a neb la a soaalb zugu al daar zãra, la rẽ n pus n wa ne a wãaba, pĩnda.
Dĩma leoka woto: «Wẽnd laafi zĩnd ne a Rewum, tẽnga sɛba gũuda la a sɛb gʋlsd, a Simsayi, la b zĩnd-n-taase sẽn be-b Samari, bɩ tẽns a taaba, Efrat rʋʋnde! Ade,
D kɩtame tɩ b lags d sɛbã la d yãeeme tɩ yaa naoor yaka, la daar zãra la tẽn-kãnga sɩng a zug zẽkre ne a soaalba. Tẽnga zɩɩ n sak naana, a zɩɩ n kong zab ye.
Tẽnga taoor soaba a Rewum, sɛba gʋlsd a Simsayi ne b zĩnd-n-taas kelga a Artazerksɛs sebra karengo la b yika tao-tao n kẽng Zerizalɛɛm n babs Zʋɩf rãmbã la b wõosa b sʋʋse, tɩ metba bas meebã.