Ɓaawo man ardiiɓe ɓaditi yam, mbi'i: “Isra'iila'en e liman'en e Lewi'en ceedaay bee jananɓe nder lesdi, waato Kanaani'en e Heti'en e Perezzi'en e Yebusi'en e Ammooni'en e Mo'abi'en e Misra'en e Amoori'en, tokkiiɓe al'aadaaji muuɗum'en nyidduɗi.
Jonta boo, yaa Allah Jawmiraawo amin, a woonani min wakkati seɗɗa, a accani min hisɓe, a hokki min hisrude haa nokkuure ma seniinde. Bana non a laɓɓini gite amin, a yeeɗitini min seɗɗa nder njeyaaŋgu amin.
Fakat min maccuɓe, yaa Allah amin, ammaa nder njeyaaŋgu amin fuu a accaay min. A woonani min, a heɓni min mo'ere laamiiɓe Persiya ngam haa a yeeɗitina min, min nyiɓto haykaliiru maaɗa, min ndarnita bille maaru, min keɓa hisrude semmbiɗnde nder Yahuuda e Urusaliima.
ɗe ndokkunooɗa min bee kunnduɗe jaggiiɓe ma annabi'en. A wi'no: Lesdi ndi nastoton ngam haa maron ndi, ndi soɓi, ngam jananɓe jooɗiiɓe ton coɓni ndi bee kuuje muuɗum'en nyidduɗe, diga keerol haa keerol.
Ɓaawo naawɗum ɗum fuu, min puɗɗita luutugo umrooje ma, min esira bee ummaatooje nyidduɗe ɗe'e na? A tikkantaano min haa a halka min fuu, bilaa accango min luttuɓe e hisɓe na?