|
| 1 |
|
| بَايَنْدَ عَكَيِ وَطَنَّنْ أَبُبُوَ، وَطَنْسُ دَتَّاوَنْ إِسْرَٰٓءِيلَ سُكَذُواْ وُرِينَ سُكَ غَيَ مِنِ إِرِنْ رَايُوَرْ دَ مُتَنٜىٰنْ إِسْرَٰٓءِيلَ دَ ڢِرِسْتُواْثِے دَ لَوِيَاوَا سُكٜىٰيِ؞ سُكَ كُمَ غَيَ مِنِ يَدَّ مُتَنٜىٰنْ إِسْرَٰٓءِيلَ بَسُ وَارٜىٰ كَنْسُ دَغَ ڧَبِيلُنْ ڧَسَرْ بَ، مَاسُ رَايُوَرْ ڧَظَنْتَا، وَتُواْ كَنْعَنِيَاوَا دَ هِتِّيَاوَا دَ ڢٜىٰرِظِّيَاوَا دَ يٜىٰبُسِيَاوَا دَ أَمُّواْنَاوَا دَ مُواْوَبَاوَا دَ مَصَرَاوَا دَ أَمُواْرِيَاوَا؞ |
|
| 2 |
|
| غَمَا مَظَا نَ إِسْرَٰٓءِيلَ سُنْ عَوْرُواْ وَكَنْسُ مَتَ دَغَ ثِكِنْ ڧَبِيلُنْ ڧَسَرْ، حَرْ مَا سُنْ طَوْكُواْ وَیَیَنْسُ مَاتَادَغَ ثِكِنْسُ؞ تَهَكَ عَكَ ݣُوٻَ ذُرِيَرْ دَ عَكَ ڟَرْكَكٜىٰ دَ تَڧَبِيلُنْ ڧَسَرْ؞ شُوغَبَنِّ دَ دَتَّاوَا كُوَ سُنَدَ حَنُّ دُمُ دُمُ عَثِكِنْ عَيْكَتَ وَنَّنْ أَبِنْ كُنْيَا؞ |
|
| 3 |
|
| سَعَدَّ نَجِ وَنَّنْ سَيْ نَيَيَّاغٜىٰ رِيغُنَنَ، نَثِثِّرٜىٰ غَاشِنْ كَيْنَ دَ نَغٜىٰمُنَ، سَيْ نَذَوْنَ، نَرَسَ أَبِنْ ڢَطَا؞ |
|
| 4 |
|
| سَعَنً دُكَنْ وَطَنْدَ مَغَنَرْ اللَّهْ نَ إِسْرَٰٓءِيلَ تَسَا سُيِ ضَوَرْ جِكِے سَبُواْدَ رَشِنْ أَمِنْثِنْ مَاسُ كُواْمُواْوَ دَغَ ڧَسَرْ بَوْتَا، سُكَ تَارُ كٜىٰوَيٜىٰ دَنِے؞ نَاكُوَ ذَوْنَ، نَرَسَ أَبِنْ ڢَطَا حَرْ لُواْكَثِنْ هَدَايَ تَيَمَّ؞ |
|
| 5 |
|
| سَعَدَّ لُواْكَثِنْ هَدَايَ تَيَمَّ يَيِ، سَيْ نَتَاشِ دَغَ أَظُمِنَ سَنْيٜىٰ دَ رِيغُنَنْدَ نَيَيَّاغٜىٰ؞ سَيْ نَدُرْڧُسَ أَڠُوِوُاْيِنَ، نَمِيڧَ حَنُّوَنَ غَ يَهْوٜىٰهْ اللَّهْ نَا؞ |
|
| 6 |
|
| نَثٜىٰ، «يَا اللَّهْ نَا، كُنْيَا تَرُڢٜىٰ ڢُسْكَتَ حَرْ بَنْ عِيَ طَغَ كَيْنَ أَغَبَنْكَبَ؞ غَمَا ذُنُبَنْمُ سُنْ شَا كَنْمُ، سُنْيِ تُدُ حَرْ سَمَ؞ |
|
| 7 |
|
| تُنْدَغَ زَامَانِنْ كَاكَنِّنْمُ ذُوَا يَوْ، مُنْيِ بَبَّنْ لَيْڢِے؞ سَبُواْدَ ذُنُبَنْمُ، مُو دَ سَرَاكُنَنْمُ دَ ڢِرِسْتُواْثِنْمُ، مُكَ ڢَاطَ أَ حَنُّنْ سَرَاكُنَنْ أَلْعُمَّيْ؞ عَكَ كَكَّشٜىٰمُ، عَكَ ݣُوشٜىٰمُ ذُوَا ڧَسَرْ بَوْتَا، عَكَ ڨُوثٜىٰ كَايَنْمُ، عَكَسَامُ ثِكِنْ كُنْيَا كَمَرْ يَدَّ مُكٜىٰ عَيَوْ؞ |
|
| 8 |
|
| «يَنْذُ كُوَ طَنْ لُواْكَثِ كَطَنْ، يَهْوٜىٰهْ اللَّهْ نْمُ يَيِمَنَ أَلْحٜىٰرِ دَ يَبَرْ مَنَ ضَغُواْوَرْ مُتَنٜىٰ دَ رَيْ، كُمَ دَ يَبَامُ تَبَّتَاثّٜىٰنْ وُرِے أَوُرِنْ ذَمَنْ مَيْ ڟَرْكِے، دُواْمِنْ يَطَنْ كَٰوُاْ مَنَ سَوْڧِ ثِكِنْ بَوْتَرْمُ يَكُمَسَا عِدَنُونْمُ سُيِ حَصْكٜىٰ؞ |
|
| 9 |
|
| كُواْدَيَكٜىٰ مُو بَايِنٜىٰ، اللَّهْ نْمُ بَيْ مَنْتَادَمُو ثِكِنْ بَوْتَرْمُبَ؞ عَمَّا يَسَا سَرَاكُنَنْ ڢَٰشِيَ سُكَيِ مَنَ كِرْكِ سُكَبِيَ مَنَ بُڧَاتَرْمُ دُوانْ مُتَادَ غِدَنْ اللَّهْ ، مُكُمَ ڠَرَ وُرَارٜىٰنْ دَ سُكَ ڢَاطِ دُواْمِنْ مُسَامِ كَتَنْغَرْ دَ ذَاتَ ڟَرٜىٰمُ أَ يَهُودَ دَ عُرُوشَلِيمَ؞ |
|
| 10 |
|
| «تُواْ يَنْذُ، يَا اللَّهْ نْمُ، مٜىٰ ذَامُثٜىٰ بَايَنْ دُكْ وَنَّنْ؟ غَمَا مُنْڧِ بِنْ دُواْكُواْكِنْكَ، |
|
| 11 |
|
| وَطَنْدَ كَبَامُ تَوُرِنْ أَنَّبَاوَا مَاسُ يِمَكَ حِدِمَ دَ كَڢَطَا مَنَ ثٜىٰوَ ڧَسَرْدَ ذَامُ شِغَ مُمَلَّكٜىٰتَ تَذَمَ غَادُوانْمُ، ڧَسَاثٜىٰ مَيْ ڧَظَنْتَا؞ ڧَبِيلُنْ ڧَسَرْ سُنْثِكَ تَكُواْعِنَ دَ أَيُّكَنْسُ نَبَنْ ڨَمَ دَ ڧَظَنْتَا؞ |
|
| 12 |
|
| سَبُواْدَ حَكَ كَدَ مُسَا یَیَنْمُ مَتَ سُعَوْرِ مُتَنٜىٰنْ ڧَسَرْ كُواْ یَیَنْمُ مَظَا سُعَوْرِ یَنْ مَاتَنْسُ؞ كُمَ كَدَ مُتَٻَ تَيْمَكُوانْسُ كُواْ مُنٜىٰمِ ذَمَنْ لَاڢِيَرْسُ؞ تَهَكَ ذَامُيِ ڧَرْڢِے مُجِ دَاطِنْ ڧَسَرْ، مُكُمَ بَرْ وَ یَیَنْمُ ڧَسَرْ تَذَمَ أَبِنْ غَادُوانْسُ حَرْ أَبَدَا؞ |
|
| 13 |
|
| بَايَنْ دُكَنْ وَطَنَّنْ أَبُبُوَ سُنْ ڢَرُ دَمُو سَبُواْدَ مِيَغُنْ أَيُّكَنْمُ دَ لَيْڢُواْڢِنْمُ مَاسُيَوَ، مُنْ غَانٜىٰ ثٜىٰوَ دُكْدَهَكَ كَيْ اللَّهْ نْمُ بَكَ بَامُ حُواْرُواْ مَيْ ڟَنَنِ بِسَغَ ذُنُبَنْمُبَ، حَرْ كَبَرْ مَنَ ضَغُواْوَرْ مُتَنٜىٰ كَمَرْ حَكَ؞ |
|
| 14 |
|
| تُواْ، يَيَ ذَامُ سَاكٜىٰ كَرْيَ دُواْكَرْكَ مُيِ عَوْرٜىٰ دَ وَطَنَّنْ مُتَنٜىٰ وَطَنْدَ سُكٜىٰ عَيْكَتَ وَطَنَّنْ أَبُبُوَنْ بَنْ ڨَمَ؟ عِدَنْ مُكَيِ حَكَ، بَذَاكَيِ ڢُشِے حَرْ كَهَلَّكَرْ دَمُو دُكَبَ، بَابُ مَاسُ ضَغُواْوَ بَابُ مَاسُ ڟِيرَا؟ |
|
| 15 |
|
| يَا يَهْوٜىٰهْ اللَّهْ نَ إِسْرَٰٓءِيلَ، كَيْ مَيْ أَدَلْثِنٜىٰ! مُو مُنْ ڟِيرَا كَمَرْ ضَغُواْوَرْ مُتَنٜىٰنٜىٰ، كَمَرْ يَدَّ مُكٜىٰ عَيَوْ؞ غَا مُو نَنْ أَغَبَنْكَ ثِكِنْ لَيْڢُواْڢِنْمُ، كُواْدَيَكٜىٰ سَبُواْدَ وَنَّنْ بَابُوَنِنْمُ دَ ذَيْ عِيَ ڟَيَاوَا أَغَبَنْكَ؞» |
|
|
|
|