Yimɓe luttuɓe e liman'en e Lewi'en e aynooɓe dammuɗe e yimooɓe e huuwooɓe kuuɗe pamare nder haykaliiru e seeduɓe bee jananɓe nder lesdi fuu ngam ɓe tokko tawreeta Allah, kamɓe e rewɓe maɓɓe e ɓiɓɓe maɓɓe worɓe e rewɓe e heewtuɓe faamugo fuu,
To jananɓe ngaddi kare muuɗum'en e gabbe ngam coggu nyalaade siwtorde malla nyalɗe ceniiɗe goɗɗe, min coodataa ɗum. Nder hitaande joweeɗiɗawre min accan gese ciwto, min njaafoto nyamaale fuu.
ngam tamseeje jo'inteeɗe e dokke nyaamdu nyalaade nyalaade e dabbaaji guleteeɗi nyalaade nyalaade e ngam nyalɗe ciwtorɗe e juulde lewru hesru e juulɗe feere, ngam kuuje cenaaɗe e kirseteeɗi ittanɗi hakkeeji Isra'iila e kuuɗe nder haykaliiru Allah meeɗen fuu.
Minin liman'en e Lewi'en e ummaatoore fuu mbaɗi kur'u ngam tabitingo no min njahrata dokkal leɗɗe haa haykaliiru Allah men hitaande koo ndeyeere bee saa'iire ta'aande, ngam wulugo ɗe dow hirsirde Jawmiraawo Allah men, bana ko winnda nder tawreeta.
non boo afɓe amin worɓe e afi dabbaaji amin, bana ko winnda nder tawreeta. Min njahran afi na'i amin e afi dammooji amin haa liman'en suklaniiɓe kuugal nder haykaliiru Allah meeɗen.
Non boo ko ɓuri wooɗugo haa kuroori amin e dokke ɓiɓɓe leɗɗe amin e inaboojam kesam e nebbam, min njahran ɗum haa liman'en nder cigorɗi haykaliiru Allah meeɗen, zakka gese amin boo haa Lewi'en, waato Lewi'en jaɓooɓe zakka haa gure haa min kuuwata fuu.
Isra'iila'en e Lewi'en cigoto dokke alkamaari e inaboojam kesam e nebbam nder cigorɗi man. Kuuwruɗe suudu seniindu ɗon ton, non boo liman'en suklaniiɓe kuugal e aynooɓe dammuɗe e yimooɓe. Min accataa haykaliiru Allah meeɗen sam.