×

Ika Bible 2018

Nehemiah 11

1
Ogẹn hụ, ndị-isi nọ biri obodo Jerusalẹm; ndị ọzọ họdụnị nọ tụ mkpọ gi ẹ họrịsọnmẹ onyẹ ohu-ohu imẹ madụ iri ọwụlẹ nị wẹ biri imẹ obodo nsọ hụ wụ Jerusalẹm; ụzọ itenẹi họdụnị wụ ndị sikọ d'a nọdị obodo wẹ rị ichẹn-ichẹn.
2
Ndị Izrẹlụ nọ ja ndị gi ihiẹn ẹka wẹ kweri nị wẹ biri Jerusalẹm mma.
3
Ndịnị wụ ndị-isi hụn bịa d'e biri Jerusalẹm. (Imẹrinmẹ ndị nchụn-ẹjan, ndị Livaị, ndị e jẹn ozi Ụlọ-nsọ lẹ ụmụ idibo Solomọnụ bi ụzọ ọzọ imẹ Juda, wẹ bisọnmẹ iwe wẹ imẹ obodo ichẹn-ichẹn rị Juda,
4
kanị ndị ọzọ bi imẹ Jerusalẹm kẹ ndị gha ebọn Juda kẹ ndị gha ebọn Bẹnjamini): Ndị ebọn Juda biri Jerusalẹm wụ: Ataya nwa Uzịa nwa Zẹkaraya nwa Amaria nwa Shẹfatịa nwa Mahalalẹlụ. Mahalalẹlụ wụ onyẹ ohu imẹ ụmụ Pẹrẹzi;
5
onyẹ ọzọ wụ Maaseya nwa Baruku nwa Kọ-Hozẹ nwa Hazaya, nwa Adaya nwa Joyaribu nwa Zẹkaraya. Zẹkaraya wụ onyẹ ohu imẹ ụmụ Shẹla.
6
Ụmụ Pẹrẹzi ile hụn bi imẹ Jerusalẹm hụn k'a saẹka jẹn agha rị ẹsatọ kwasị ọgụn-ẹtọ kwasị nnụ (468).
7
Ndị ebọn Bẹnjamini biri Jerusalẹm wụ: Salu nwa Mẹshulam nwa Jowedi nwa Pẹdaya nwa Kolaya nwa Maaseya nwa Itiẹlụ nwa Jẹshaya.
8
Ndị e sọnn'ẹ wụ Gabaị lẹ Salaị; wẹ ile rị madụ ẹsatọ kwasị ọgụn isin kwasị nnụ-ẹbụọ (928).
9
Onyẹ kịchanrịnnị wẹ wụ Juwẹlụ nwa Zikri; Juda nwa Hasẹnụa wụ ọb'ẹbụọ imẹ ndị kị obodo hụ.
10
Ndị nchụn-ẹjan wẹ lẹ wẹ gba biri imẹ Jerusalẹm wụ: Jedaya nwa Joyaribu, Jakini,
11
Sẹraya nwa Hil'kia nwa Mẹshulam nwa Zadọkụ nwa Mẹrayotu nwa Ahitubu, onyẹ-isi nchụn-ẹjan hụn e lepụ Ụlọ Osolobuẹ ẹnya.
12
Uwẹ lẹ ibe wẹ ndị a rụn ọrụn Ụlọ-nsọ, wẹ ile rị madụ ẹbụọ kwasị ọgụn kwasị nnụ-ẹbụọ (822); Adaya nwa Jẹroham nwa Pẹlalia nwa Amzi nwa Zẹkaraya nwa Pashuru nwa Mal'kija
13
lẹ ibe ẹ hụn wụsọnmẹ ndị-isi ikpụlọ, wẹ ile wụ ikẹnnyẹ ẹbụọ kwasị ọgụn mmẹbụọ (242); Amashisaị nwa Azarẹlụ nwa Ah'zaị nwa Mẹshilẹmọtụ nwa Ima
14
lẹ ibe ẹ ndị k'a sa ẹka lụ agha: wẹ ile rị madụ ẹsatọ kwasị ọgụn isin (128). Onyẹ kịkwasịnị wẹ wụ Zab'diẹlụ nwa Hagẹdolim.
15
Ndị Livaị biri imẹ Jerusalẹm wụ ndịnị: Shẹmaya nwa Hashubu, nwa Az'rikam, nwa Hashabia, nwa Buni;
16
Shabẹtaị lẹ Jozabadị, wẹ ẹbụbụọnị wụ ndị-isi Livaị hụn ọrụn rị ihun-ezi Ụlọ Osolobuẹ rị ẹka;
17
Matania nwa Mika nwa Zab'di nwa Asafụ, hụn wụ onyẹ ndu ebe iye-ekele lẹ ekpere rị; Bak'bukia hụn wụ ọb'ẹbụọ imẹ itu wẹ; lẹ Ab'da nwa Shamụa, nwa Galalụ, nwa Jedutunu.
18
Ndị Livaị ile hụn rị imẹ Obodo nsọ hụ rị ẹnọ kwasị ọgụn mmẹnọ (284).
19
Ndị-nche ọnụ-mgbọn biri Jerusalẹm wụ: Akubu lẹ Tal'mọnụ lẹ ibe wẹ wẹ lẹ wẹ gba e che nche ọnụ-mgbọn. Wẹ rị mmẹbụọ kwasị ọgụn ẹsatọ (172).
20
Ndị họdụnị — kẹ ndị Izrẹlụ mmaka kẹ ndị nchụn-ẹjan kẹ ndị Livaị — rịsọnmẹ imẹ obodo ile rị alị Juda, onyẹ-onyẹ rị ọkpụlọ ndị mụn'a.
21
Kanị ndị e jẹn ozi Ụlọ-nsọ bi ebe w'a kpọ Ugu Ofẹlụ imẹ Jerusalẹm, ndị-isi wẹ wụ Ziha lẹ Gish'pa.
22
Onyẹ ndu ndị Livaị imẹ Jerusalẹm wụ Uzi nwa Bani nwa Hashabia nwa Matania nwa Mika. Uzi wụ onyẹ ebọn Asafụ ndị ọkụ-ẹbụ ofufe imẹ Ụlọ Osolobuẹ.
23
Eze dọnmẹni ebọn ndị ọkụ-ẹbụ usọnrọn hụn itu-itu gi a bịa Ụlọ-NSỌ d'a bụ ẹbụ ụhụọhịn-ụhụọhịn.
24
Pẹtahia nwa Mẹshẹzabẹlụ hụn wụ onyẹ ohu imẹ ụmụ-ụmụ Zẹra nwa Juda wụ onyẹ nọkin ẹnya eze imẹ oku gbashịarị ndị Izrẹlụ.
25
Ụmụ-obodo lẹ ọfịa ndị ọzọ rịzị Juda kẹ ndị Juda họdụnị bi. Ndị Juda bi imẹ Kiriatị-Aba lẹ ụmụ-alị nọkunmẹn'ẹ; ụfọdụ bi Dibọnụ lẹ ụmụ-alị nọkunmẹn'ẹ, ụfọdụ bi Jẹkab'zẹlụ lẹ ụmụ-alị ndị nọkunmẹn'ẹ,
26
lẹzi imẹ Jeshụa, Molada lẹ bẹt-Pẹlẹtị;
27
ndị ọzọ bi imẹ Haza-Shualụ lẹ imẹ Biẹshẹba lẹ ụmụ-alị nọkunmẹn'ẹ
28
lẹzi imẹ Zik'lagị lẹ Mẹkona lẹ ụmụ-alị ndị nọkunmẹni wẹ,
29
imẹ Ẹn-Rimọnụ, Zora lẹ Jamutu,
30
imẹ Zanụa lẹ Adulam lẹ ụmụ-alị nọkunmẹni wẹ; ndị ọzọ bi Lakishi lẹ ọfịa rịsọnmẹn'ẹ lẹ Azẹka lẹ ụmụ-alị nọkunmẹn'ẹ. Ẹrịra kẹ wẹ bisọnmẹ gha Biẹshẹba d'e rukwọrị ọdanmgbugbu Hinọm.
31
Ndị ebọn Bẹnjamini bi Gẹba, Mik'mashị, Aịja, Bẹtẹlụ lẹ ụmụ-alị nọkunmẹni wẹ,
32
wẹ bizi Anatọtụ, Nọbụ lẹ Anania,
33
Hazọ, Rama, Gitaim,
34
Hadidi, Zẹbo, Nẹbalatị,
35
Lodu lẹ Ono, lẹ Ọdanmgbugbu Ndị omẹ-nka.
36
O nwọnzighọ ndị Livaị alị Juda hụn itu wẹ nọ Bẹnjamini a rụn.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes