Ak kimeny Jerusalem bounikab bik: ak kiser kogeny barbarek bik che king’et, kole komut kebeberta agenge eng’ taman ne bo bik, komeny Jerusalem, nganaset ne tilil, ak kebeberwek sogol eng’ taman ne bo bik, komeny nganasok alak.
Chu ko bik che eechen che bo emotinwek che kimeny Jerusalem: ago kimeny chi tugul komostanyi eng’ nganasokab Juda eng’ nganasokwak, choto ko ki Israel, tisiik, ak Lawik, ak Netinik, ak lagokab otwogikab Solomon.
Ak kimeny Jerusalem alak eng’ lagokab Juda, ak eng’ lagokab Benjamin. Che bo lagokab Juda ko ki Ataia weritab Usia, weritab Sekaria, weritab Amaria, weritab Sepatia, weritab Maalalel, ne bo lagokab Peres;
ak tupchosiekwak che kiyai boisietab got, ko ki bik bogol sisiit ak tiptem ak aeng’: ak Adaia weritab Jeroam, weritab Pelalia, weritab Amsi, weritab Sekaria, weritab Pasur, weritab Malkija,
ak tupchosiekyik, che eechen che bo gorikab kwanisiek, ko ki bik bogol aeng’ ak artam ak aeng’: ak Amashai weritab Asarel, weritab Asai, weritab Mesilemot, weritab Imer,
ak Matania weritab Mika, weritab Sabdi, weritab Asap, ne ki ne o ne kitau komwaei kongoi eng’ saet, ak Bakbukia, ne bo aeng’ eng’ tupchosiekyik; ak Abda weritab Samua, weritab Galal, weritab Jedutun.
Ki bounindetab Lawik eng’ Jerusalem Usi weritab Bani, weritab Hasabia, weritab Matania, weritab Mika, ne bo werikab Asap, tienik, che kibou boisiet ne bo gotab Kamuktaindet.
Ak eng’ nganasok koboto mbarenikwak, ko kimenyei alak eng’ lagokab Juda, Kiriat-arba ak nganasokyik, ak eng’ Dibon ak nganasokyik, ak eng’ Jekabseel ak nganasokyik;