Di bigman dɛn sɛtul na Jerusɛlɛm dɔn di balans pipul dɛn aks PAPA GƆD fɔ sho dɛn us famili pan ɛvri tɛn famili fɔ tap insay Jerusɛlɛm, di oli siti, wayls di ɔda nayn fɔ go tap na dɛn yon siti dɛn.
Na di pipul dɛn dis we na bin bigman lɛkɛ D.O. na dɛn ɔplayn we dɛn sɛtul na Jerusɛlɛm. Sɔm ɔdinari pipul, sɔm man dɛn we de mek sakrifays fɔ pipul sin, sɔm Livayt, sɔm wokman na PAPA GƆD in os, sɔm pan Sɔlɔmɔn in wokman dɛn jɛnareshɔn we bin tap na di siti dɛn na Juda, ɔlman go nain yon prɔpati na di difrɛn siti dɛn
we ɔda pipul dɛn we kɔmɔt to Juda ɛn Bɛnjamin fambul dɛn tap insay Jerusɛlɛm. Di wan dɛn we na Juda in jɛnareshɔn: Athaya we na Uzaya in bɔypikin, Uzaya na Zɛkaraya in bɔypikin, Zɛkaraya na Amaraya in bɔypikin, Amaraya na Shefataya in bɔypikin we na Maalalɛl in yon bɔypikin ɛn in na wan pan Pɛrɛz in yon jɛnareshɔn.
Dɛn Maasia we na Barak in bɔypikin, Barak na Kol Ozɛ in bɔypikin, Kol Ozɛ na Aazaya in bɔypikin, Aazaya na Adaya in bɔypikin, Adaya na Jɔyarib in bɔypikin we na Zɛkaraya, wan pan Shila in jɛnareshɔn in yon bɔypikin.
Di wan dɛn we na Bɛnjamin in jɛnareshɔn: Salu we na Mɛshulam in bɔypikin, Mɛshulam na Joɛd in bɔypikin, Joɛd na Pɛdaya in bɔypikin, Pɛdaya na Kolaya in bɔypikin, Kodaya na Maasia in bɔypikin, Maasia na Ithiɛl in bɔypikin, Ithiɛl na bin Jɛshaya in bɔypikin.
Seraya we na Ilkaya in bɔypikin ɛn Ilkaya in na bin Mɛshulam in bɔypikin we na bin Zedɔk in yon bɔypikin we in papa na bin Mɛrayɔth, Ayitɔb in bɔypikin. Ayitɔb na bin supavaysɔ na PAPA GƆD in os.
Dɛn ɛn dɛn wan we bin de nia dɛn fɔ wok na PAPA GƆD in os na et ɔndrɛd ɛn twɛnti tu man dɛn, ɔl ɛn ɔl; Adaya we na Jɛroam in bɔypikin ɛn Jɛroam in na bin Pɛlalay in bɔypikin we na bin Amzi in yon bɔypikin we in papa na bin Zɛkaraya, we na Pashɔ in bɔypikin dɛn, Pashɔ in yon papa na bin Malkija,
ɛn in yon pipul dɛn we bin de nia am. Dɛn pipul de na bin di big wan dɛn na dɛn famili dɛn. Dat na tu ɔndrɛd ɛn foti-tu man dɛn; Amashay we na Azarɛl in bɔypikin, Azarɛl na bin Mɛshilɛmɔth in bɔypikin we na bin Ima in yon bɔypikin,
ɛn in yon man dɛn we bin de nia am. Dɛn na bin man dɛn we gɛt maynd ɛn na bin dɛn wan ɔndrɛd ɛn twɛnti-et. Dɛn yon agbagba na Zabdiɛl we na Agedolim in bɔypikin.
Matanaya na Mika in bɔypikin ɛn Mika na Zabdi in bɔypikin we Esaf nain papa. Esaf na di dayrɛktɔ we kin lid dɛn tɛm fɔ pre ɛn tɛl PAPA GƆD tɛnki Bakbukaya, di man we de sɛkɛn pan di man dɛn we de nia am; Abda we na Shamua in bɔypikin ɛn Galal in grampikin Galal in papa na Jɛduthɔn,
Sɔm pan di man dɛn we de mek sakrifays fɔ pipul sin ɛn sɔm Livayt bin tap na di siti dɛn na Juda wit ɔda Izrɛlayt dɛn, ɛn dɛn ɔl bin go na dɛn yon prɔpati.
Di Livayt dɛn agbagba we bin de insay Jerusɛlɛm na Uzi we na Bani in bɔypikin. Bani na bin Ashabaya in bɔypikin ɛn Matanaya in grampikin. Matanaya in na bin Mika in bɔypikin. Uzi na wan pan Esaf in jɛnareshɔn dɛn we fɔ de siŋ ɛn na dɛn rɛspɔnsibul fɔ di myuzik na PAPA GƆD in os.
Pɛtaya we na Mɛshizabɛl in bɔypikin na wan pan Zɛra we na Juda in bɔypikin in jɛnareshɔn. Nain na bin di pɔsin we bin de tɔk fɔ di kiŋ pan ɔltin we gɛt fɔ du wit di pipul dɛn.