Antû bangî barîa baatûûraga ntûûreene iu ingî, amwe na athînjîri-Mûrungu, na Alawi, na ariti ngûgî kîûrûûne, na nchiarwa cia barîa baatumîkagîra Solomoni nî baatûûraga ithakeene birîa baagaîri.
Antû bamwe ba mwîrîga jwa Juda na ba mwîrîga jwa Benjamini nî baatûûraga Jerusalemu. Mwîrîgeene jwa Juda nî kwaarî na Athaia mûtaana wa Uzia, Uzia aarî mûtaana wa Zekaria. Biûjûjû bingî bia Athaia biaarî Amaria, na Shefatia, na Mahalaleli. Bau bonthe baarî nchiarwa cia Perezi mûtaana wa Juda.
Antû bangî kuuma mwîrîgeene jwa Juda baarî Maaseia mûtaana wa Baruku, Baruku aarî mûtaana wa Kolihoze. Biûjûjû bingî bia Maaseia biaarî Hazaia, na Adaia, na Joiaribu, na Zekaria. Bau bonthe baarî nchiarwa cia Shela mûtaana wa Juda.
Nchiarwa cionthe cia Perezi irîa ciaatûûraga Jerusalemu ciaarî antû magana jana ja mîrongo îtaantatû na banaana (468). Antû bau bonthe baarî antû ba îgweta.
Antû barîa baatûûraga Jerusalemu kuuma mwîrîgeene jwa Benjamini baarî Salu mûtaana wa Meshulamu, Meshulamu aarî mûtaana wa Joedi. Biûjûjû bingî bia Salu biaarî Pedaia, na Kolaia, na Maaseia, na Ithieli, na Jeshaia.
na Seraia mûtaana wa Hilikia. Hilikia aarî mûtaana wa Meshulamu. Biûjûjû bingî bia Zeraia biaarî Zadoki, na Meraiothi, na Ahitubu ûrîa waarî mûthînjîri-Mûrungu ûrîa mûnene.
Akaria ba kîûrû barîa baatûûraga Jerusalemu baarî Akubu, na Talimoni, na antû ba ndûgû ciaao. Bonthe baarî antû îgana rîa mîrongo mûgwanja na baîrî (172).
Antû bangî ba Israeli barîa baatûûraga ntûûreene iu ingî cia nthîgûrû ya Juda amwe na athînjîri-Mûrungu, na Alawi nî baatûûraga ithakeene birîa baagaîri.
na ya Zanoa, na ya Adulamu na tûtûûra tûrîa twaaithiûrûkîrîte. Ningî nî baatûûraga ntûûreene ya Lakishi na miuundeene îrîa yaamîthiûrûkîrîte, na bangî Azeka na tûtûûra tûrîa twaamîthiûrûkîrîte. Tontû bûû, antû ba Juda baatûûraga ntûûreene irîa ciaarî gatîgatî ka Beerisheba îrîa yaarî bwa ûmotho mwanka kîguuruune kîa Hinomu kîrîa kîaarî bwa ûrîo.