Agu abazogo naadu ku ri aboro i araka Yerusarema yo; yangara aboro ki ba ake ka sia gu ni sa dagba agu yo yo du ni ba bawe ni ka sunga Yerusarema yo nga ziazia bakporo, akura yo ni ba ribua ki sungu rogo kura abaakporo.
Were agi abazogo ngbi re nangia agu yo naaraka ku Yerusarema yo; ono awiri aYisaraere, na aboromotumo, na aRevi, na aNetina, na atita ga Soromo amoyambu i asungu rogo abaakporo Yuda yo, gu ni kina rogo gu bakporo nga ga gani ũkumbo ni ba sa sa.
na agu awirinayo namangi sunge bambu, i adu wa 822; na Adaya nangia wiri Yorama, Yorama ki ngia wiri Perataya, Perataya ki ngia wiri Amosi, Amosi ki ngia wiri Zakaraya, Zakaraya ki ngia wiri Pasura, Pasura ki ngia wiri Marikiya,
na awirinako naadu ku ri ga abayo aborokporo, wa aboro 242; na Amasasai nangia wiri Azarere, Azarere angia wiri Azai, Azai ki ngia wiri Mesiremota, Mesiremota ki ngia wiri I mere,
na Matanya nangia wiri Mika, Mika angia wiri Zabedi, Zabedi ki ngia wiri Asafa, nangia batona pa tambuahe i ago kparakpe, na Bakabukaya, gu ko nadu ni ue ko dagba awirinako; na Abida nangia wiri Samua, Samua angia wiri Garara, Garara ki ngia wiri Yedutuna.
Gu babiapai nangia ga aRevi ko ku Yerusarema yo nangia Uzi wiri Bani, Bani angia wiri Asabaya, Asabaya ki ngia wiri Matanya, Matanya ki ngia wiri Mika, dagba awiri Asafa nangia abayango, i adu ku ri pa sunge ga Mbori bambu.
Si adu were tipa akporo, na agu aati naadu pati he, agu awiri aYudo araka ku Kiriata-araba yo na rogo agu akporo naadu pati he, na ku Dibona yo na rogo agu akporo naadu pati he, na ku Yekabesere yo na rogo agu akporo naadu pati he,
na ku Zanoa yo, na Adurama yo, na rogo agu akporo naadu pati he, na ku Rakisa yo na rogo agu aati naadu pati he, na ku Azeka yo na rogo agu akporo naadu pati he. I ki sungu Bera-saba yo ki da ti gu ngboongboorago nga Inomi.