Bãng-y tɩ Amonitsa la Moabitsa pa seg Israyɛl kamba ne rɩɩb la koom, b sẽn waa n poog b tẽngẽ ye. Yɩɩd rẽ, a Moab yao a Balaam ligdi, t'a kãab-b kãab wẽnga. Yaa Soaala-Wẽnd n tedg kãab wẽngã t'a lebg kãab noogo.
a baoo do-yalengo n kõ a Tobiya t'a bĩngd teedã. Yɩɩ roog ning b sẽn da bĩngd yamleoog kũuna, tɩdarã, lagdã, kooda lemse, rã-paalgã, kaama, b sẽn da reegd bũmb ning fãa Levitsa yĩnga, gũudba yĩnga la maan-kʋʋdba yĩnga.
Wakat kãng tɩ m da ka be Zerizalɛɛm ye. M da babsa Babilon dĩm a Artazerksɛs, a naam yʋʋmd pis-tã la a yiib soaba. M zĩnda be bilfu la m sẽn paam sore,
M dɩka teeda roto n gũnug a Selemiya ne seb gʋlsd a Sadok. M kɩtame tɩ Levitga a Pedaya n paas a Ana, a Zakur biiga, a Mataniya yagenga, wa sõng-ba. Bãmb n deeg pʋɩɩrã n pʋɩt b saam-biisã.
Vʋʋsga daare, m waa n yãee neb sẽn wẽkd b sibi n na n maam dãam. Kẽer me ra zɩlga bõeens alkam kalse, rãam, sibi, la zɩɩb buud toor toore, n kẽed Zerizalɛɛm. M yeel-b lame tɩ b ra saag n koos bũmb ye.
Ka woto la y yaab rãmb maan pĩnda la ka rẽ yĩng la Soaala-Wẽnd kɩt tɩ tõnd ne d tẽnga yãend pɛt buud fãa? Bõe tɩ y tõdgd vʋʋsg noore n na n yãng Wẽnd sũ-puuri?
Dẽ n so tɩ m sã n mik tɩ zaabr maasem tat kʋɩlensã n wilgd tɩ vʋʋsg daar taame, m kɩtdame tɩ b pag kʋɩlensã la b ra ka le pakd-b tɩ vʋʋsga raar ka loog ye. M da baooda neb n zĩndg noyẽ wã tɩ zɩɩb ra tõog n kẽ vʋʋsg raar ye.
M kosa Levitsa tɩ b yɩlg b mense la b gũ ragnoya tɩ b ra le tõdg vʋʋsg daar noor ye. Dẽ yĩng me, Soaala, y nimbãan-zoeer sẽn ka be tɛka, bɩ y tẽeg m yelle la y kũm-ma!
M zaba ne-ba, n pãb kẽer la m võ b zut zoobdo, n kɩt tɩ b wẽen ne Wẽnd tɩ b kõn le rɩk b kom-pugli n kõ bu-zẽmba ye la bãmb me kõn deeg bu-zẽmba kom-pugli n maan b pagb ye.
Ka yell a woto buud n wa ne Israyɛl dĩm a Salomo lʋɩɩs bɩ? Dĩm ba a ye pa wẽneg a Salomo. Soaala-Wẽnd da nong-a lame, Soaala-Wẽnd da kõ-a-la Israyɛl naam la bu-zẽmba pagb kɩtame t'a lak n lʋɩ.