Laamiiɗo ɗonno jooɗodi bee daada saare muuɗum ƴami: “Haa ndeye jahaaŋgal ma duurata? Ndeye a lortoto?” Ɗum fottani mo o accammi mi dilla. Min boo mi wi'i mo wakkati man.
Nden jemma mi ummodi bee worɓe seɗɗa, ammaa mi wi'aay koo moye ko Jawmiraawo yerɓi yam waɗango Urusaliima. Mi yahraay mba'anteewa ngoɗŋga, sey nga mba'iimi.
Mi wurti haa dammugal waadiwol bee jemma, mi yehi gal Seeɓoore Kuuŋga e Dammugal Jiddere. Mi linyi mahol Urusaliima haa mi heɓta gibbe maagol e dammuɗe maagol gulaaɗe.
Mi yecci ɓe no juŋngo Allah am wondiri bee am e ko laamiiɗo wi'no yam boo. Ɓe mbi'i: “Ummen, puɗɗen nyiɓtaago.” Nden ɓe keɓi cuusal huuwugo kuugal booɗŋgal nga'al.
Mi jaabi ɓe: “Allah mo asama hokkan min hayru. Minin jagganooɓe mo min puɗɗan nyiɓtaago. Ammaa onon on ngalaa geɗal koo baawɗe, walaa boo mo siftorta on haa Urusaliima.”