|
| 1 |
|
| Ya onyẹ-isi nchụn-ẹjan wụ Ẹliashibu lẹ ndị nchụn-ẹjan ibe ẹ nọ ban ọrụn, dọnzi Ọnụ-mgbọn Atụnrụn. Wẹ nọ dọn ẹ nsọ, yikin ẹ, dọnzi ẹ d'e rukwọrị Ụlọ-nche “Ọgụn-isẹn,” dọnzi ẹ d'e ru Ụlọ-nche Hananẹlụ. |
|
| 2 |
|
| Ikẹnnyẹ Jẹriko dọnzi ebe sọnni wẹ, Zakọ nwa Im'ri e dọnzi ebe sọn hụn ikẹnnyẹ Jẹriko dọnzi. |
|
| 3 |
|
| Ụmụ Hasẹna dọnzi Ọnụ-mgbọn Azụn, dọyesọnmẹ osisi w'e fiẹnye elu ọnụ-mgbọn, yikin ẹ, buche ihiẹn ndị wẹ gi a kpọkin wẹ lẹ ihiẹn ndị wẹ gi e fidọn ẹ. |
|
| 4 |
|
| Meremọtụ nwa Yuria nwa Hakọzụ dọnzi hụn sọn nke ụmụ Hasẹna. Mẹshulam nwa Bẹrẹkia nwa Mẹshẹzabẹlụ dọnzi hụn sọn nke Yuria. Zadọkụ nwa Baana dọnzi ebe sọnn'ẹ. |
|
| 5 |
|
| Ndị obodo Tẹkụa dọnzi ebe sọnn'ẹ, kanị ndị okẹn-ịhịan rị imẹ wẹ ekweni ye ẹka rụn ọrụn Di-nwọnni wẹ. |
|
| 6 |
|
| Joyada nwa Pasia lẹ Mẹshulam nwa Besodẹya dọnzi Ọnụ-mgbọn Jẹshana (Ọnụ-mgbọn Akan), fiẹnyesọnmẹ osisi w'e fiẹnye elu ọnụmụzọ, yikin ẹ, buche ihiẹn wẹ gi a kpọkin wẹ lẹ ihiẹn wẹ gi e fidọn wẹ ọnọdị. |
|
| 7 |
|
| Ndị dọnzi ebe sọnn'ẹ wụ Mẹlatia onyẹ Gibiọnụ lẹ Jadọnụ onyẹ Mẹrọnọtụ. Wẹ wụ ndị alị Gibiọnụ lẹ alị Mizpa ebe gọvanọ bi, gọvanọ Ẹgbẹrẹni wụ Nfetu Iyi-Yufretisi. |
|
| 8 |
|
| Onyẹ hụn dọnzi ebe sọnn'ẹ wụ Uziẹlụ nwa Hahaya, onyẹ ohu imẹ ndị a kpụ goru. Onyẹ dọnzi ebe sọnn'ẹ wụ Hanania, onyẹ ohu imẹ ndị e mẹmẹ udẹn, ọ nọ dọnzikwọrị d'e ru Mgbọn-Shịanị. |
|
| 9 |
|
| Onyẹ dọnzi ebe sọnn'ẹ wụ Rẹfaya nwa Họ, hụn kị azụụn ohu imẹ azụụn ẹbụọ rị Jerusalẹm. |
|
| 10 |
|
| Jedaya nwa Harumafụ dọnzi ebe sọnn'ẹ; ebe o dọnzi rị nchetarị ihun iwe ẹ. Onyẹ dọnzi ebe sọnn'ẹ wụ Hatushi nwa Hashab'neya. |
|
| 11 |
|
| Mal'kija nwa Harim lẹ Hashubu nwa Pahatị-Mụabụ dọnzi ebe sọnn'ẹ, dọnzizi Ụlọ-nche Ẹnya-mgba Uku. |
|
| 12 |
|
| Shalum nwa Halohẹshi, hụn a kị azụụn hụn ẹbọ hụn rị Jerusalẹm dọnzi ebe sọnn'ẹ; ịya lẹ ụmụ a ikpoho dọnzi ẹ. |
|
| 13 |
|
| Ndị dọnzi Ọnụ-Mgbọn shi Ọdanmgbugbu wụ Hanunu lẹ ndị bi Zanụa. Wẹ dọnzi ẹ, yikin ẹ, buche ihiẹn wẹ gi a kpọkin wẹ lẹ ndị wẹ gi e fidọn wẹ. Wẹ nọzị dọnzisọnmẹ ẹ d'e ru ihiẹn nọkẹ wẹ kebe maịlị ohu ụzọ ẹtọ, wẹ dọnzi ẹ d'e ru Ọnụ-mgbọn Nsịn-anụ. |
|
| 14 |
|
| Onyẹ hụn dọnzi Ọnụ-mgbọn Nsịn-anụ wụ Mal'kija nwa Rekabụ, hụn rị a kị ẹgbẹrẹ Bẹt-Hakẹrẹm; o dọnzi ẹ, yikin ẹ, buche ihiẹn ndị wẹ gi a kpọkin ẹ lẹ hụn wẹ gi e fidọn ẹ. |
|
| 15 |
|
| Onyẹ dọnzi Ọnụ-Mgbọn Isi-mirin wụ Shalunu nwa Kọ-Hozẹ, hụn rị a kị ẹgbẹrẹ Mizpa; o dọnzi ẹ, kpu ẹ, yikin ẹ, buche ihiẹn ndị wẹ gi a kpọkin ẹ lẹ hụn wẹ gi e fidọn ẹ. Ịya dọnzizi ụsụọ-ẹjan Mirin Silụam, ẹhụ Ugbo-nta Eze, dọnzi ẹ d'e rukwọrị mgbanyinrin wẹ gi e hidan Obodo Defidi. |
|
| 16 |
|
| Nehimaya nwa Az'buku, hụn rị a kị azụụn ohu imẹ azụụn ẹbụọ rị Bẹt-Zuru nọ gha ebe Shalunu dọnziru bidọn; o dọnzi d'e ru ebe bu ihun zinmẹ ili Defidi wẹ, dọnzi ẹ d'e rukwọrị ọgọdọ hụ wẹ rụn arụn lẹ Ụlọ Ndị-agha. |
|
| 17 |
|
| Ndị dọnzi ebe sọnn'ẹ wụ ndị Livaị; Rehum nwa Bani kị wẹ. Onyẹ dọnzi ebe sọn nke wẹ wụ Hashabia, hụn a kị azụụn ohu imẹ azụụn ẹbụọ rị ẹgbẹrẹ Kẹila — ịya dọnzi hụn rị ẹgbẹrẹ ọ rị a kị. |
|
| 18 |
|
| Ndị dọnzi ebe sọnn'ẹ wụzị ndị Kẹila ibe wẹ, ndị rị okpuru Binui nwa Henadadị, hụn a kị azụụn hụn ẹbọ rị ẹgbẹrẹ Kẹila hụ. |
|
| 19 |
|
| Ẹza nwa Jeshụa, hụn kị Mizpa, dọnzi ebe sọnn'ẹ. Ẹza dọnzi ghakwọrị ebe bu ihun zinmẹ mkpọnyin hụ wẹ gha a banye ụlọ w'e butọ ihiẹn-ọgụn d'e ru ebe mgbọn ahụn nọ gọrị ibẹka hụ. |
|
| 20 |
|
| Baruku nwa Zabaị gi adụdụ dọnzi ebe sọnn'ẹ — gha ebẹhụ mgbọn hụ nọ gọrị d'e ru ebe w'a gha a banye iwe onyẹ-isi nchụn-ẹjan wụ Ẹliashibu. |
|
| 21 |
|
| Onyẹ dọnzi ebe sọnn'ẹ wụ Meremọtụ nwa Yuria nwa Hakọzụ; o dọnzi gha ebe wẹ gha a banye iwe Ẹliashibu d'e ru njẹndemẹ iwe Ẹliashibu. |
|
| 22 |
|
| Ndị dọnzi ebe sọnn'ẹ wụ ndị nchụn-ẹjan rịsọnmẹ ẹgbẹrẹ hụ. |
|
| 23 |
|
| Ndị dọnzi ebe sọnn'ẹ wụ Bẹnjamini lẹ Hashubu; wẹ dọnzi ebe rị ihun ụlọ wẹ; Azaria nwa Maaseya nwa Anania dọnzi ebe sọnn'ẹ — ebe o dọnzi rị ẹhụ ụlọ a. |
|
| 24 |
|
| Onyẹ dọnzi ebe sọnn'ẹ wụ Binui nwa Henadadị, ịya dọnzi gha iwe Azaria d'e ru ebe mgbọn hụ nọ gọrịzị lẹ mgbugi mgbọn rị nkọ hụ. |
|
| 25 |
|
| Palalụ nwa Uzaị dọnzi ebẹhụ mgbọn nọ gọrị lẹ ụlọ-nche wẹ tụnye obi-eze rị ibe elu, ẹhụ ebẹhụ ndị-nche nọ e zu. Pẹdaya nwa Parọshị dọnzi ebe sọnn'ẹ — |
|
| 26 |
|
| ya lẹ ndị e jẹn ozi Ụlọ-nsọ hụn bi elu ugu Ofẹlụ dọnzi d'e ru ebe bu ihun zinmẹ Ọnụ-mgbọn Mirin hụn rị ẹbamịn ọwụwa ẹnyanwụn lẹ ebẹhụ ụlọ-nche uku rị. |
|
| 27 |
|
| Ndị Tẹkụa dọnzi ebe sọnn'ẹ, gha ebe ụlọ-nche uku rị d'e ru Mgbọn Ofẹlụ. |
|
| 28 |
|
| Ebẹhụ mgbọn nọ rị mkpọnyin, ị ghafegụ Ọnụ-mgbọn Ẹshin, ndị nchụn-ẹjan bi ebẹhụ dọnzi ẹ. Onyẹ-onyẹ dọnzi ebe rị ihun ụlọ a. |
|
| 29 |
|
| Zadọkụ nwa Ima dọnzi ebe sọnn'ẹ, ihun iwe ẹ. Shẹmaya nwa Shẹkania, onyẹ-nche Ọnụ-mgbọn Ẹbamịn Ọwụwa-ẹnyanwụn, dọnzi ebe sọnn'ẹ |
|
| 30 |
|
| Hanania nwa Shẹlẹmia, lẹ Hanunu hụn ẹbọ, hụn mẹ isin imẹ ụmụ-ikẹnnyẹ Zalafụ dọnzi ebe sọnn'ẹ. Mẹshulam nwa Bẹrẹkia dọnzi ebe sọnn'ẹ, ihun ebe o bi. |
|
| 31 |
|
| Mal'kija, onyẹ ohu imẹ ndị a kpụ goru dọnzi ebe sọnn'ẹ d'e ru ụlọ ndị e jẹn ozi imẹ Ụlọ-nsọ lẹ ndị-afịa — hụn rị ihun Ọnụ-mgbọn Ndị-agha, ghazị ebẹhụ dọnzi d'e rukwọrị mmughẹ wẹ rụnye ibe elu mgbugi rị nkọ hụ. |
|
| 32 |
|
| Ndị ọzọ a kpụ goru lẹ ndị-afịa wị dọnzi ẹgbata mmughẹ hụ rị ibe elu mgbugi hụ lẹ Ọnụ-mgbọn Atụnrụn. |
|
|
|
|