Êlyaşîvê Serkahin û kahinên din rabûn, Dergehê Pêz ji nû ve ava kirin. Wan ew pîroz kir û deriyên wî bi cih kirin. Dîwarê ku ji Dergehê Pêz destpê dike û heta Birca Hammêa û Birca Hananêlê diçe, pîroz kirin.
Merêmotê kurê Ûriyayê kurê Haqqos beşê din nû kir. Meşûllamê kurê Berekyayê kurê Meşêzavêl beşê din ji nû ve ava kir. Sadoqê kurê Baena beşê din ji nû ve ava kir.
Melatyayê Gîvonî û Yadonê Mêronotî ku mirovên Gîvonî û Mîspayî ne, beşê din ji nû ve ava kir. Ew bajar di bin serweriya waliyê herêma rojavayê Feratê de bûn.
Ûzziyêlê kurê Harhaya ku zêrker bû, beşê din ji nû ve ava kir. Hananyayê etar, beşê din ji nû ve ava kir. Wan sûrên Orşelîmê heta Dîwarê Fireh ava kirin.
Hanûn û şêniyên Zanoahê Dergehê Newalê ji nû ve ava kir. Wan ew û beşê li ser dîwêr heta Dergehê Ziblê bi qasî hezar gazî ji nû ve ava kirin û bask, zirze û destikên deriyan pê ve kirin.
Şallûnê kurê Kol-Hozeyê serekê bajarê Mîspayê, Dergehê Kaniyê ji nû ve ava kir. Serê wî nixumand û bask, zirze û destikên deriyan pê ve kirin. Herwiha wî dîwarê Hewza Şelahê ya li ber bexçeyê padîşah, heta bi derenceyên ku xwe ji Bajarê Dawid berdidin, ji nû ve ava kir.
Ji wir wêdetir Binyamîn û Haşşûv beşê li hemberî malên xwe ji nû ve ava kir. Ji wir wêdetir Ezaryayê kurê Maesêyayê kurê Enanya ber mala xwe ji nû ve ava kir.
Palalê kurê Ûzay, pêşberî goşeyê û birca ji qesra padîşah a jorîn ku ber bi derve, li kêleka hewşa parêzvanan ji nû ve ava kir. Ji wir wêdetir Pedayayê kurê Paroş
û peywirdarên Perestgehê yên li Ofelê rûdiniştin, beşê heta li hember Dergehê Avê yê ku li aliyê rojhilatê û heta birca ber bi derve derketiye ji nû ve ava kir.
Ji wir wêdetir Hananyayê kurê Şelemya û kurê şeşan ê Salaf, Hanûn beşê din ji nû ve ava kir. Ji wir wêdetir Meşûllamê kurê Berekya pêşberî odeya xwe ji nû ve ava kir.
Ji wir wêdetir Malkiyayê zêrker, heta ber bi mala peywirdarên Perestgehê û bazirganan a li pêşberî Dergehê Mîfqadê û heta odeya goşeya jora li sûrê ji nû ve ava kir.