Ufiri ẹ, m nọ zi ụfọdụ shi mgbọn ahụn d'e chemẹ nche ebe ile kachanrịn alị a lụa, ebe ile alị aradan rị. E dọnmẹsọnmẹ wẹ onyẹ lẹ ezi-lẹ-ụlọ a, onyẹ lẹ ezi-lẹ-ụlọ a; onyẹ onyẹ nọ buru ọpịa-agha lẹ obo lẹ ụta.
Ogẹn ndị-iṅẹnrẹn ẹnyi gi nụ nị ẹnyi a marịnghọ ihiẹn wẹ romẹ, lẹni Osolobuẹ a kpayịyagụọ a, ẹnyi nọ kinzi d'a rụnma mgbọn ẹnyi rị a rụn, onyẹ-onyẹ lẹ ọrụn a.
Gha ụhụọhịn hụ jẹnmẹ m nọ kebe ndị rị okpuru m ụzọ ẹbụọ: azụụn ohu hụ a rụn mgbọn hụ, azụụn hụn ẹbọ e burusọnmẹ obo, akpaịn lẹ ụta, yirisọnmẹ ẹwuru-igwe, e che nche. Ndị-isi ọrụn gọmẹnti rị alị Juda hụ a kwadọn ndị Juda ile
M nọ nwan sị ndị-isi ndị Ju lẹ ndị-isi ọrụn gọmẹnti rị Juda lẹ ndị họdụnị, “Ọrụn ẹnyi sikọ d'a rụn e hikẹ; ebe ẹnyi rị a rụn shịa ashịa; ẹgbata ẹnyi lẹ ibe ẹnyi elu mgbọnni e tekẹ.
Kẹ mmẹ kẹ umunẹ m ikẹnnyẹ kẹ ndị rị okpuru m kẹ ndị nche ahụn sọnhẹnni m, onwọnni onyẹ gbụpụ ẹwuru ẹ; onyẹ-onyẹ bu ihiẹn-ọgụn a ogẹn ile, ọsụọn'a nị wẹ rị a ra mirin.