Sanbalat gi Tobia gi Geshem ja-Arabi kod wasikwa mamoko nowinjo ni wasetieko gero ohinga, ma onge kamoro momukore modong’, kata obedo ni ne pok aketo thike mag dhorangeye.
Baruano nondikie niya, “Wach oselandore e kind ogendini ni in kod jo-Yahudi uchano ng’anyo, kendo Geshem bende osewinjo kamano. Mano emomiyo igero ohinga. Wawinjo bende ni in iwuon idwaro bedo ruoth.
Kendo wawinjo ni iseketo jonabi mondo oland wach e Jerusalem, ni nigi ruoth, ma enie in. Bed gi ratiro ni ruoth biro winjo wachni, omiyo bi piyo mondo walos kodi.”
Chieng’ moro nadhi e od Shemaya wuod Delaya ma wuod Mehetabel, mane chik otueyo e ode. Nowachona niya, “Wadhi e Od Nyasaye, mondo warom ei Kama Ler, kendo waloruru dhoudi, nimar gibiro biro negi gotieno.”
Ooyo, ok abi donjo!” Eka nafwenyo ni Nyasaye ne ok oore, to nokoro wechego mana ni mondo ohinya, kendo ni Tobia gi Sanbalat ema nomiye asoya mondo okor wechego.