सन्बलत, तोबिया, गेशेम र हाम्रा अरू शत्रुहरूका कानमा हामीले पर्खाल बनाइसकेका र सबै फाँकाहरू बन्द गरिसकेको खबर पुग्यो। हामीले अझै मूल-ढोकाहरूमा खापाचाहिँ लगाईसकेका थिएनौं।
त्यहाँ लेखिएको थियो: “गेशेमले मलाई भनेको छ कि तिमी विद्रोह गर्न चाहन्छौ भन्ने हल्ला छिमेकीका देशभरि फैलिएको छ त्यसैकारण तिमीले पर्खाल नयाँ गरी बनाउँदै छौ रे। तिमी आफैंलाई राजा बनाउने सुरमा छौ रे।
कति जना अगमवक्ताहरूलाई तिमी यहूदाका राजा हौ भनी यरूशलेममा घोषणा गर्न तयार पारेका छौ रे। राजाले यो कुरा निश्चय सुन्नेछन्। यसैले हामी दुवै, भेटेर यसबारेमा कुरा गर्न ठीक ठहर्दछ, यही सल्लाह म तिमीलाई दिँदछु।”
त्यति बेलातिर म दलायाहको छोरा शमायाहलाई भेट्न गएँ। ऊ महेतबेलको नाति थियो र घरदेखि निस्कन सक्दैनथ्यो। उसले मलाई भन्यो, “हामी दुई गएर मन्दिरको पवित्रस्थानमा लुक्नुपर्नेछ, कारण तिमीलाई मार्न तिनीहरू आउँदै छन्। कुनै पनि रात तिमीलाई मार्न तिनीहरू आइपुग्नेछन्।”
मैले प्रार्थना गरें, “हे परमेश्वर, तोबिया र सन्बलतले गरेका काम याद राख्नुहोस् र तिनीहरूलाई दण्ड दिनुहोस्। मलाई धम्की दिएर तर्साउने नोअदिया नाम गरेकी नारी र अरू सबै अगमवक्ताहरूलाई याद गर्नुहोस्।”
तोबियाको ससुरा आराको छोरा शकन्याह यहूदी थियो। त्यसकारण यरूशलेममा धेरै जना तोबियापट्टि लागेका थिए। त्योबाहेक उसको छोरा यहोहानानले मशुल्लामकी छोरीसित विवाह गरेका थियो। मशुल्लाम बेरेक्याहको छोरा थियो।
मानिसहरू मेरो सामु आएर तोबियाले गरेका असल कामहरूका बारेमा भन्थे र मैले भनेका सबै कुराहरू उसकहाँ पुर्याउँथे अनि उसले मलाई धम्की दिएर चिठ्ठी पठाइरहन्थ्यो।