Täämɛ mëë ca la̱r Thɛ̈n-bɛ̈-lat kɛnɛ To-bi-yaa kɛ Gɛ-cɛm raan Ä-rab kɛ duɔth ji̱ tɛ̈ra ɛn ɣöö cä päny täth kä thilɛ kam mi ci duɔth (Cäŋɛ ni mëë ŋot thiekni /ka̱nkɛ ni la̱th thi̱n),
Kä ɛn warɛgak ca gɔ̱r i̱, “Ca jɛ lat rɛy dööri, kä ci Gɛ-cɛm jɛ lar bä ɛn ɣöö ji̱n yɛnɛ ji̱ Juudh go̱rɛ kac raar, ɛ jɛn tääth yɛnɛ pänyɔ. Kä ji̱n go̱o̱ri ɣöö bia̱ kuääriɛn kɛ min ca lat.
Kä ci rɔ kuëny go̱o̱k ti ruac kɛ kui̱du kä Jɛ-ru-tha-lɛm i̱, ‘Tëë kɛ kuäär kä Juda.’ Kä täämɛ ba ruac ɛmɔ la̱t kuäär ce̱tnikɛ rieet ti̱ti̱. Kɛ kui̱c ɛmɔ bër ban ben ruac.”
Kɛ cäŋ kɛl cua̱ wä dhɔr Cɛ-mɛ̈-yaa gat Dɛ-la-yaa gat Mɛɛ-ta-bɛl min ca ga̱k dhɔrɛ, cuɛ wee i̱, “Wanɛ duɔl rɛy luaak Kuɔth, kä ga̱knɛ thieknikɛ kä thi̱n, kɛ ɣöö bikɛ ben ba ji̱ ben näk, bi naath ben kɛ wäär ti ba ji̱ ben näk.”