Wẹ we ẹwuru hụ lẹ ẹshin ahụn che ẹka onyẹ kachanrịnnị imẹ ndị-isi eze. Wẹ yimẹ okẹnnyẹ hụ eze chọ n'o ye ọghọ ẹwuru hụ, e bu w'ẹ che elu ẹshin hụ, we ẹ ghahunmẹ ọgbara-ogbe ile rị obodoni, a hị, ‘Lee ni ihiẹn wẹ e mẹni onyẹ eze chọ n'o ye ọghọ!’ ”
Hamanị nọ weri ẹwuru hụ lẹ ẹshin ahụn; o yimẹ Mọdikaya ẹwuru hụ, Mọdikaya a nọdị elu ẹshin, Hamanị nọ duru ẹ ghagbarị ọgbara-ogbe ile rị obodo hụ, a hị, “Lee ni ihiẹn wẹ e mẹni onyẹ eze chọ n'o ye ọghọ!”
ọ nọ gwa nwunyẹ ẹ wụ Zẹrẹshi lẹ ndị ọwụ a ihiẹn ile mẹn'ẹ. Ndị a dụn a ọdụn lẹ Zẹrẹshi nwunyẹ ẹ nọ sị a, “Omẹni onyẹ Ju kẹ Mọdikaya wụ bụ oku ẹ e gbumẹgụọlẹ ị, onwọnni nwan ihiẹn i k'a saẹka mẹ ẹ — n'o mẹdẹ i nwan dangungwọn!”