Kacrita ring jagat Us, wenten anak lanang mapesengan Ayub, sane nyungsung Ida Sang Hyang Widi Wasa saha astiti bakti ring Ida. Dane kalintang sadu, jujur miwah tan naen malaksana dursila.
Dane taler madue biri-biri pitung tali, unta tigang tali, banteng siu miwah keledae limang atus ukud. Dane taler madue parekan akeh pisan. Dane punika dados anak sane pinih sugih ring jagate kangin.
Okan Dane Ayub sane lanang-lanang madue kabiasaan ngwentenang pepestan magilir ring genahnyane suang-suang, tur rikala punika semeton-semetonnyane sane istri taler pada kaundang sareng-sareng mapesta irika.
Sabilang wusan pestane punika, benjangne pasemengan Dane Ayub sampun matangi, tur ngaturang aturan ring ayun Ida Sang Hyang Widi Wasa, pabuat okan danene suang-suang, buat nyuciang oka-okan danene punika. Dane setata ngamargiang indike punika, santukan kapakayun antuk dane, menawita wenten salah tunggil oka-okan danene sane ngardi dosa, malantaran nenten nyelapang nganistayang parab Ida Sang Hyang Widi Wasa.
Rikala sampun masanipun parawadua balan Ida Sang Hyang Widi Wasa pada umedek tangkil ring ayun Idane, Ratun Setane taler sareng-sareng pedek tangkil irika.
Ida Sang Hyang Widi Wasa malih mataken sapuniki: “Apake kita nepukin parekan Ulune I Ayub? Di gumine tusing ada anak ane astiti bakti muah sadu buka ia. Ia astiti bakti teken Ulun tur ia tusing taen malaksana dursila.”
Ida Sang Hyang Widi Wasa ngandika ring Ratun Setane, sapuniki: “Nah sakancan pagelahan I Ayube serahang Ulun teken kita, nanging eda pesan kita nyakitin ia.” Sasampune punika Ratun Setane raris mapamit saking ayun Ida Sang Hyang Widi Wasa.
jeg wenten utusan rauh malaib-laib, matur piuning ring Dane Ayub, kadi asapuniki: “Titiang sedekan nenggala ring tegale nganggen banteng, tur keledae-keledaene pada kangonang ring pategalane sane ring samping titiange nenggala.
Durung puput ipun matur, jeg wenten malih parekan lianan rauh tur matur piuning, sapuniki: “Risedek oka-okan pamekele pada mapesta ring okan pamekele sane pinih duura,
Riwau mireng indike punika makasami, Dane Ayub rumasa kalintang duhkita ring kayun. Dane raris ngadeg tur nyeset busanan danene. Dane raris ngundul prabun danene, tumuli nylempoh ring tanahe saha ngaturang sembah.
Dane maucap-ucap sapuniki: “Tiang lekad malalung, tiang masih lakar mati malalung. Ida Sang Hyang Widi Wasa ane suba mapaica teken tiang, ane jani Ida ane ngambil. Pujija parab Idane!”
Ring sajeroning paindikane punika makasami, Dane Ayub nenten pisan ngardi dosa, malantaran nyelsel tur nalih Ida Sang Hyang Widi Wasa ngamargiang paindikan sane kirang patut marep ring ragan danene.