Ki tinyei keechiirek eliphuusyek tisap, tambeesik eliphuusyek somok, eigap chogit eliphuut agenge ak sigiroik che iyuogik pogol muut ak kiboitiinik che chaang'. Ki mogoryo anyun chiichooto miising' kosiir piik tugul che po kong'asiis.
Ak ki pendi weeriikyik kootap age tugul eng' peetuut ne ki kichopchi, ak ki iyooktoi keguur chepkametisyekwak somok kobwa koamis ak koeiso kobooto icheek.
Ye kingo keskei peetuusyekwak che po igoorto, ko ki iyooktoi `Job icheek ki anyiny. King'eetei karon miising' ak kogoito kagoochinoik che kibeelei ko uu koitetap icheek tugul kobwaati koleen, “Abeere kogoyai weeriikyuk tengek ak koeesyo Kamuktaindet eng' mugulelwekwak.” Ki yaei Job ko uu nooto kotugul.
ki teebee anyun `Kamuktaindet ne Toroor Setani koleenji, “Ibunu ano?” Ak ki wolji `Setani Kamuktaindet ne Toroor koleenji, “Abunu ole awendotee ak ole abunotii eng' ng'wony.”
Koleenji `Kamuktaindet ne Toroor Setani, “Tos ko igeer otwogindennyu Job, amu ma mi ne kergei ak ineendet eng' ng'wony? Ititaat ak ko po iman inee, iywei Kamuktaindet ak koistoegei yaityo.”
Tos ma iyieme ng'ootweet ineendet kobooto koonnyi, ak tuguuk tugul che tinyei eng' komosta age tugul? Ki iberuur poisyonigap eunekyik ak ki kotesak tuguukyik eng' emet.
Koleenji `Kamuktaindet ne Toroor Setani, “Keer anyuno, mi tuguuk tugul che tinyei `Job eung'ung', kobatee kityo ametwaa ineendet.” Ki wo anyun Setani eng' taitap Kamuktaindet ne Toroor.
Ye kita kong'alaali, koit agine age ak kole, “Kachoorgei maatap Kamuktaindet eng' kipsengwet ak kagobeel keechiirek ak otwogik kogees, ak kachilil aneege, kanyo amwaun.”
Ye kita kong'alaali, koit agine age ak kole, “Kachop Kaldeik kweanaik somok yeityo kobook kobwa kokweri tambeesik. Kabar otwogik eng' rotwetap chok ak kaachilil aneege, ak kaanyo amwaun.”
Ak ki le, “Ki kisicho aach ngor, ak aweeksei aach ngor. Ki koonu Kamuktaindet ne Toroor, ak kagoweech Kamuktaindet ne Toroor. Iberuurot kainetap Kamuktaindet ne Toroor.”