A ra tara piis tus a yopoe, yʋgma tus a tã, niis tusri, n paas bõan-yãans kobs-nu; a zak neb ra yaa wʋsg-wʋsgo. Nin-kãnga n da yɩɩd a taaba Yaang kẽedba sʋka.
La b sã n mi n wa maan kibs rãmba n gilg b zags fãa n sege, b ba, a Zoob, da boond-b lame n yɩlg-ba tɩ b lebg sõma. Woto wã, vẽkembeoogo, sõor pukri, a ra kʋʋda yũ-noog maoongo bãmb ned kam fãa yĩnga. Bala a da tagsda a yamẽ: «Daar ninga mam kamba maana yel-wẽnde, n beeg Wẽnnaam b sũurẽ.» Yaa woto la a Zoob da maand wakat fãa.
Tɩ Naaba-Wẽnd leb n sok-a: «La fo yãenda m sõgna a Zoob bɩ? A ka tar a to moog ye: a yaa nin-tɩrga, ned sẽn ka tar a toorẽ yelle, n zoet Wẽnde la a zãagd a meng ne wẽnga.»
Yẽ sẽn nan ket n gomda, la ned a to sẽn wa, n yeele: «Ad Wẽnnaam bugum yii yĩngri n lʋɩ; a yõoga fo piisã la f nebã, n dɩ-b zãnga. Maam m ye tãa bala n põse, n zoet n na n wa togs fo.»
Yẽ soaba ka paam n gom n sɛ ye la ned a to sẽn wa n yeele: «Kalde rãmb sẽn welg sags a tãabo zoe n kẽe rũn-kɩɩmbã n kʋ-ba, n loog ne yʋgma wã. Maam m ye tãa bal n põse n zoet n na n wa togs fo.»
la sob-kãseng sẽn yi we-raooga yaanga waa n zũndga zaka kɩrems a naasã t'a lʋɩ n buug kambã n kʋ. Maam m ye tãa bala n põse, n zoet n na n wa togs fo.»