Tëë kɛ dët ti bathdɔɔri bärɔw, kɛ thɔ̱a̱rɔa̱a̱li ti bathdɔɔri diɔ̱k, kɛ thääk ti kur dhieec ti lät, kɛ muɔ̱li ti kur dhieec, kɛ la̱a̱t ti ŋuan. Riäŋ ni jɛn kä nɛy diaal tin te kui̱ känyä ca̱ŋ.
Kä mɔ ci gua̱th mi̱eth thuɔ̱k ɔ, la I-yob raan jäk kɛ ɣöö bɛ kɛ jak kä gɔw. La muc tin waŋkɛ a wëë thöp ce̱tnikɛ pekdiɛn diaal. Kɛ ɣöö la caarɛ jɛ i̱, “Dɔ̱ŋ ci gaatkä duer a ca Kuoth kuëth kɛ rɛy lo̱cnikiɛn.” Nɔmɔ la I-yob jɛ a lät ni ciaŋ.
Kä min ŋot jääk kɛ ruac, cu jääk mi dɔ̱ŋ ben, cuɛ I-yob ben jiök i̱, “Ci mac pɛ̈ɛ̈n ni nhial kä Kuoth, cɛ det kɛnɛ kuaany waŋ. Ci kään ni ɣän kärɔa kɛ ɣöö bä ji̱ ben la̱r lär.”
Kä min ŋot jääk ɛmɔ kɛ ruac, cu ram mi dɔ̱ŋ ben, kä cuɛ wee i̱, “Ci ji̱ Kɛ̈l-da-ya ben kɛ bua̱a̱n diɔ̱k, ca thɔ̱a̱rɔa̱a̱li ben pɛc kä ca kuaany näk. Ɛ ɣän kärɔa ci kään ɔ, kɛ ɣöö bä ji̱ ben la̱r lär.”
Kä cuɛ wee i̱, “Ɣän ba̱a̱ raar jic maar kɛ puɔ̱nydä baaŋ, kä bä lɛni loc jɔk kɛ puɔ̱nydä baaŋ. Kuoth Nhial la ŋunɛ ŋɔak kä la naŋɛ kɛ, a puɔ̱th tekɛ Kuoth Nhial.”