|
| 1 |
|
| “Ang akon kalag ginatak-an sang akon kabuhi; pagustohan ko ang akon pagyamo; magapamolong ako sa kapaitan sang akon kalag. |
|
| 2 |
|
| Magasiling ako sa Dios, Dili ako pagtagudilii; pakitai ako ngaa nga nagapakigbais ka sa akon. |
|
| 3 |
|
| Maayo bala sa imo nga magpigus ka, nga magtamay ka sa binuhatan sang imo mga kamut Kag magsilak sa laygay sang malauton? |
|
| 4 |
|
| May mga mata ka bala nga unud? Ukon makakita ka bala subong sang pagkakita sang tawo? |
|
| 5 |
|
| Ang imo mga adlaw subong bala sang mga adlaw sang tawo, ukon ang imo mga tuig subong bala sang mga tuig sang tawo, |
|
| 6 |
|
| nga nagapakiana ka sang akon kalautan kag nagausisa sang akon sala, |
|
| 7 |
|
| bisan nga nahibaloan mo nga ako indi malauton, kag wala sing makaluwas sa akon sa imo kamut? |
|
| 8 |
|
| Ang imo mga kamut naghuman sa akon kag nagdihon sa akon sing tingub palibut; apang ikaw naglaglag sa akon. |
|
| 9 |
|
| Dumduma nga ikaw nagdihon sa akon subong sang lunang; kag pabalikon mo bala ako sa yab-ok? |
|
| 10 |
|
| Wala mo bala ako pag-ibobo subong sang gatas kag ginpabilog ako kaangay sang keso? |
|
| 11 |
|
| Ginsaputan mo ako sing panit kag unud, kag gintaudtaud mo ako sing mga tul-an kag mga kusug. |
|
| 12 |
|
| Gintugutan mo ako sing kabuhi kag malig-on nga paghigugma; kag ang imo pagduaw nagtipig sang akon espiritu. |
|
| 13 |
|
| Apang ining mga butang ginhuptan mo sa imo tagiposoon; Nakahibalo ako nga ini yara sa imo. |
|
| 14 |
|
| Kon makasala ako, niyan ginatandaan mo ako, kag indi mo ako paghilwayon sa akon kalautan. |
|
| 15 |
|
| Kon malaut ako, kailo ako! Kon matarung ako, indi ako magbayaw sang akon olo, kay puno sing kahuluy-an kag nagatolok sa akon kapipit-an. |
|
| 16 |
|
| Kag kon magpakataas ang akon olo, ginaayam mo ako subong sang leon, kag liwat nagapakita ka sang imo kaugalingon nga makatilingala sa akon; |
|
| 17 |
|
| ginabag-o mo ang imo mga saksi batok sa akon, kag ginadugangan ang imo kaalipungut sa akon; pag-ilisilis kag pag-inaway yari sa akon. |
|
| 18 |
|
| “Ngaa bala niyan ginpagowa mo ako sa tiyan? Nabugto na kuntani ang ginhawa ko kag wala sing mata nga nakakita sa akon, |
|
| 19 |
|
| nanginsubong ako kuntani nga daw wala ako nanginsubong, gindala ako kuntani gikan sa tiyan pakadto sa lulubngan. |
|
| 20 |
|
| Indi bala pila lamang ang akon mga adlaw? Pabayai ako, agud nga makakalipay ako sing diotay |
|
| 21 |
|
| sa wala pa ako magkadto diin indi na ako magbalik, sa duta sang kadudulman kag sang landong sang kamatayon, |
|
| 22 |
|
| ang duta nga madulum kag walay kahusayan, diin ang kapawa subong sang pitipit nga kadudulman.” |
|
|
|
|