1
“Torore nambu be agu apai namanga ungare. Mi akpára pa gi baka bangirise akpara zaza. Mi afu rogo gu nirãnirãpai du torore yo.
2
Mi ayá fu Mbori, Ka mo sári nga ngbanga kuti re ya; mo gúmba gu pai fere mo adarã pai ti ni kuti re.
3
Wenepai nga ha bangiro nga ka rungosi boro, ka gindiga gu sunge mo amangi ni bero, ka ida pa ga gbegbere aboro tabura?
4
Bangirise ti ro wa ga boro? Mo nabi he wa boro nabi he?
5
Gamo arame wa ga boro arame? watadu garãro wa garã boro,
6
mo nagbata gi irairaapai ti ni, ki ningere tipa gi ingapai,
7
wa mo avura ina ha ya gbegbere boro nga mi te, a nga boro ho ka batasi re be ro a te?
8
Bero naamangi re ki mbakadi re mi du wa sa dunduko; awere kina ro nagbarasa re.
9
Mo tíngidi he, ya mo ambakadi re wa kina pere; mo asá re ku nvutu yo berewe?
10
Mo auka nga re wa mamunya ki kputasi re wa i nikputasi mamunya, te?
11
Mo aukadi re na kpoto na pasio, ki zungu re na meme na agbaga.
12
Mo naafu unga fere na weneringise, ga bandahe abanda torore.
13
Ono mo aoko agi apai re kina ku kpotoro yo; mi ini he ya gere nga gu pai mo aberẽ pa ha.
14
Ka mi mangi ingapai, mo nabi re abi, ka mo asara nga ngbanga fere tipa gi irairapai ya.
15
Ka mi du ni gbegberẽ boro, rungo du fere! Ka mi du ni ruru boro, mi arengba nga ka tumba rire ku ari te; bambiko mi hi be pa zee, ki ningere kuti gi gberãngbi.
16
Ka mi tumba tire ku ari, mo nagbata re wa bahu, ki nimangi iiriwoapai kuti re.
17
Mo kusi gamo adezire kuti re berewe, ki nikiisi ga imisiri ngbaduse kuti re, satise na vura du kuti re.
18
“Tipagine tie mo akusi re ti ni rukumbu yo? Ako, ka mi akpi mbata bangirise nikabi re,
19
ka mi adu wa mi adu nga te, ka i atindi re rukumbu yo ku murã yo.
20
Gimi arame aumba nga te? Mo hé nga re ke, mo mbú nga re ni sa re, mi wasa nga toni,
21
mbata mi nikandu ku ho mi ka yega nga ni ya, zavura ku rogo ringara bitimo na kirima kpio,
22
ringara nduunduu bitimo, ringara kirima kpio, zanga rugapai yo, yo du imarago ni wa kina bitimo.”
Zande Bible 1978
La Sainte Bible en Zande Alliance Biblique Universelle, 1978