|
| 1 |
|
| Erio Sofari Omonaama agakwana, akabora: |
|
| 2 |
|
| “Inee! Amang’ana aya amange natigwe tairanerigwa? Na omonto obwate amang’ana amange buna iga nabarerwe oboronge? |
|
| 3 |
|
| Inee! Amang’ana ao atari nengencho nagere abanto bakire‐kiri? Na ekero ogokwana amang’ana ay’ogochecheria, monto onde takogosookia? |
|
| 4 |
|
| Aye nigo ogoteba ng’a amang’ana ogokwana nay’ekeene, naende ng’a nigo ochenegete ase amaiso a Nyasae. |
|
| 5 |
|
| Korende onye ndiria Nyasae are gokwana na akoorokie buna ore, |
|
| 6 |
|
| erinde akomaanorere orore obobisi bw’obong’aini! Ere nigo abwate obomanyi botari korengeka. Ase ayio manya ng’a nigo akoeire egesusuro egeke, tari buna okomocha kwao kogwenerete. |
|
| 7 |
|
| “Inee! Nonyare komanya ebinto bia Nyasae bibisekanete? Nonyare komanya oboikeranu bw’Omonguru? |
|
| 8 |
|
| Onye bore obonene gochia igoro, inki oranyare gokora? Onye bore obotambe inse gochia aase abakure, inki oranyare komanya? |
|
| 9 |
|
| Obotambe bwaye nigo boetanetie obw’ense, na obogare bwaye mboetanetie obw’enyancha. |
|
| 10 |
|
| Karaete asibe abanto, gose kobagambia, ning’o oramotange? |
|
| 11 |
|
| Ere nigo amanyete abanto batagwenereti. Ekero akorora amabe agokorwa, Inee, takorengereria igoro y’ayio? |
|
| 12 |
|
| Onye omoriri okonyara koba omong’aini, rirorio emori y’etigere y’orosana nenyare koiborwa ebe omonto. |
|
| 13 |
|
| “Oise kwebeka ang’e ase enkoro yao gokora amaronge, na orambore amaboko ao gochia ase Nyasae; |
|
| 14 |
|
| onye kogotuguta ebibe bire ase amaboko ao, na togotiga obobe bomenye ase eema yao, |
|
| 15 |
|
| amaene, rirorio norigererie otari na komocha, naende norendwe buya tokoba nobwoba. |
|
| 16 |
|
| Nigo orebe emechando yao, buna amache aetire, takoinyorwa naende. |
|
| 17 |
|
| Na obogima bwao nigo borarabe se kobua erioba ria mobaso gati; omosunte oye nigo oraonchoke obe buna ekero bogokia mambia. |
|
| 18 |
|
| Aye nomenye kore noboremu, ekiagera ogosemeria nkoreo; norendwe na gotimoka ase obotoereru. |
|
| 19 |
|
| Ekero okorara, monto onde tagokwoboyia; abanto abange mbache asore bagosorore ng’a banyore ogwancherwa. |
|
| 20 |
|
| Korende abakori amabe mbabe bakouna‐una ase omosunte, tibakorora omobaso. Tibagotooreka nonya ng’ake; ogosemeria kwabo ngosire pi.” |
|
|
|
|