Ika Bible 2018
|
| 1 |
| Ya kẹ Zofa onyẹ alị Naama nọ shịarị a, |
| 2 |
| “Ashịarịkọdẹ wẹ ọtụtụ-okuni ile ra? Nị wẹ nịdẹ nwan onyẹ ọtụtụ oku ro n'o kukẹ ọhụnma ra? |
| 3 |
| Nị i gi nwan oku i nwọnlẹni isi kpumẹ ịhịan ọnụ? Ajụgbọkọ wẹ i ebe ị nọ ku arụ? |
| 4 |
| Ị hụ a sị Chuku, ‘A marịngụọ m nị ihiẹn m rị e ku enwọn ntụpọ; m rịzịkwọ ọchan ẹnya ị.’ |
| 5 |
| Euu, k'ọ rị m Chuku e ku, k'ọ rị m Chuku a shịapụ ọnụ gwa ị oku — |
| 6 |
| gwa ị ihiẹn amamihiẹn wụ, makẹni ezigbo amamihiẹn nwọn azụụn ẹbụọ; ya m'ẹ n'ị marịn nị Chuku e yerudẹn'i afụnfụn kẹ njọ ị han. |
| 7 |
| N'ị sa ẹka ghọtachanrịn Chuku? N'ị sa ẹka chọpụhachanrịn ihiẹn ile gbashịarị Onyẹ Hụ Nwọn Ikẹn Ile? |
| 8 |
| Ihiẹn ẹ jẹnnahịn igwere elu — k'i k'a sa ẹka mẹ? Wẹ minahịn alị-mmọn — k'i k'a sa ẹka marịn? |
| 9 |
| Wẹ suenahịn ụwa, shịanahịn ohimin. |
| 10 |
| Ọ kpọkin i ye ngan, kpọn'ị ọgwa, onyẹ k'a s'ẹka sị a mba? |
| 11 |
| Ọ marịnghọ ndị wụlẹni ezigbo ịhịan; ọ hụn eje-ihiẹn, ọ marịnkọ a? |
| 12 |
| Kanị mgbe jaki-ọfịa mụ ịhịan kẹ onyẹ-nzuzu k'a marịn ihiẹn! |
| 13 |
| “Kanị i wechanrịn obi i ye Chuku, rịọ a n'o yeni i ẹka; |
| 14 |
| i wepụchanrịn njọ ile rị ị ẹka, jụ nị eje-ihiẹn ọwụlẹ arịkọ iwe i, |
| 15 |
| ogẹn hụ kẹ y'e gi weshi isi elu, ifẹnrẹn emẹkọ ị, y'e wuzochanrịn, egun atụkọ ị. |
| 16 |
| Makẹni, i k'a zọ nsọngbu i, a nyanhan a hụ lekẹ mirin hughafeni. |
| 17 |
| Elu i k'e nwun kẹ ukpẹ, nwunahịndẹ anwụn efinaị, ọhịhị a nọ ị kẹ ẹnyanwụn-ụtụntụn. |
| 18 |
| Obi k'e ru i alị, makẹni o kpuyekọ ị. Osolobuẹ k'e che i nche, y'e zu ikẹn, ihiẹn emẹkọ ị. |
| 19 |
| I k'e dinẹ alị, onwọnni onyẹ k'e rọn i egun, ndị bu ọda k'a rị a rịọ ị ihiẹn. |
| 20 |
| Kanị ndị eje-ịhịan eleghakọzị ụzọ, awanahịnkọ wẹ; ihiẹn wẹ k'a rị a tụ ẹnya a wụ ikwọnbepụnị.” |
| Save Notes |
https://beblia.bible:81/BibleAudio/ika/job/011.mp3
42
11