|
| 1 |
|
| Jayave Job jei ivɨa-ïru reta pe: |
|
| 2 |
|
| Añetete, pe reta ko jae iyarakuaa katu vae, jare pemano yave, pe reta ndive ko iyapɨta arakuaa katu. |
|
| 3 |
|
| Che oime vi ko anoi arakuaa pe reta rami; che mbaetɨ ko michi arakuaa pe pegüi. ¿Kia pa mbaetɨta kuae oikuaa vi? |
|
| 4 |
|
| Che ko kuimbae jekombae jare jupi vae, tenonde rupi Tumpa oendu yepi ko cheyerure, ërei jeseve añave chevɨa-ïru reta cheyóyai yóyai. |
|
| 5 |
|
| Oiko kavi vae güɨröɨro paravete vae, mbaetɨ oiparareko, ogüɨapita ma oï vae. |
|
| 6 |
|
| Imonda vae reta oiko kavi avei, Tumpa omboarasɨuka vae reta mbaetɨ maratu yogüɨreko, ërei Tumpa ko omee chupe reta, opaete mbaembae güɨnoi reta vae. |
|
| 7 |
|
| Eparandu añave mɨmba reta pe, jae reta tandemboe, güɨra reta pe, jae reta toechauka kavi ndeve. |
|
| 8 |
|
| Ani, emomiari ɨvɨ, jae tandemboe, jevae ɨ rupigua reta pe, jae reta vi tomombeu kavi ndeve. |
|
| 9 |
|
| ¿Kia nunga ra kuae reta güi, mbaetɨ oikuaa yandeYa ko oyapo vae? |
|
| 10 |
|
| Jae ipo pe ko oï opaete mbaembae jekove, jare opaete kuimbae reta jekove. |
|
| 11 |
|
| Apɨsa, oendu ñee reta, jare yuru, ojäa tembíu. |
|
| 12 |
|
| Ndechi reta güɨnoi arakuaa; ɨma oiko vae iyarakuaa. |
|
| 13 |
|
| Tumpa ko yarakuaa vae jare imbaepuere vae, jae oyemongeta oyapo vaerä vae, oyapo. |
|
| 14 |
|
| Jae omboai vae, mbaetɨ kia ipuere omopüa ye, oyokenda kuimbae yave, mbaetɨ kia ipuere güɨnoe. |
|
| 15 |
|
| Jae omombɨta ama yave, opa mbae ipiru, omongɨ yave, oyeapo ɨporu. |
|
| 16 |
|
| Jae ko imbaepuere vae jare yarakuaa vae, ipo pe ko oï mbae oyavɨ vae, jare mbae oyavɨuka ïru pe vae. |
|
| 17 |
|
| Tumpa opɨ̈ro arakuaa, oporomboarakuaa vae reta güi, jare mburuvicha oporojäa vae reta güi, opɨ̈ro arakuaa. |
|
| 18 |
|
| Jae oyora mburuvicha guasu reta iporoäpɨti, jare oñapɨti tɨmasa pe. |
|
| 19 |
|
| Jae opɨ̈ro mburuvicha guasu reta güi iporookuai, jare opɨ̈ro sacerdote reta güi iparavɨkɨ. |
|
| 20 |
|
| Mbaetɨ omaeño omoë iñee, jupi rupi imiari vae reta, jare opɨ̈ro ndechi reta güi arakuaa katu. |
|
| 21 |
|
| Jae opɨ̈ro mburuvicha guasu reta iyemboetea, jare imbaepuere vae güi opɨ̈ro mbaepuere. |
|
| 22 |
|
| Jae oikuaauka yaikuaa rapembae vae, güɨnoe tembipe pe yavai yae vae. |
|
| 23 |
|
| Jae ombotuicha tëtaguasu reta, jare jae yeño opa omboai, jae opa omoai moai, jare jae yeño opa omboatɨ. |
|
| 24 |
|
| Jae opɨ̈ro arakuaa tëtaguasu juvicha reta güi, jare omaeño jopa, ñuu rupi tapembaea rupi rami. |
|
| 25 |
|
| Opovɨvɨ yogüɨraja, pɨtumimbía rupi rami, jare oyavɨuka chupe reta, osavaɨpogüe pe rami. |
|
|
|
|