|
| 1 |
|
| سَيْ أَيُوبَ يَأَمْسَ يَثٜىٰ، |
|
| 2 |
|
| «بَابُ شَكَّ، كُونٜىٰ كُواْمٜىٰ دَكُواْمٜىٰ! عِدَنْ كُكَ مُتُ، حِكِمَ تَمُتُ تَرٜىٰدَكُو! |
|
| 3 |
|
| عَمَّا، نِے مَا إِنَدَ سَنِ، بَكُو كَطَيْبَ، بَنْغَا يَدَّ كُنْڢِينِبَ؞ وَنٜىٰنٜىٰ بَيْ سَنْ إِرِنْ أَبِنْدَ كُكَ ڢَطَابَ؟ |
|
| 4 |
|
| نَ ذَمَ أَبِنْ دَارِيَا غَ أَبُواْكَيْنَ؞ نِے وَنْدَ نَكَنْيِ أَدُّعَ غَ اللَّهْ يَكُمَ أَمْسَ مِنِ، نِے وَنْدَ نَكٜىٰ مَيْ أَدَلْثِے، مَرَرْ لَيْڢِے، نِنٜىٰ نَا ذَمَ أَبِنْ دَارِيَا؞ |
|
| 5 |
|
| مَاسُ جِنْ دَاطِے سُكَنْيِ دَارِيَارْ رٜىٰنِ غَ وَطَنْدَ سُكٜىٰ ثِكِنْ مَسِيڢَ، غَ وَطَنْدَ سُكٜىٰ غَبْ دَ ڢَاطُوَ؞ |
|
| 6 |
|
| یَنْ ڢَشِ سُنَ ذَمَنْ سَلَمَ أَوُرَارٜىٰنْ ٻُيَنْسُ، مَاسُ ڟُواْكَنَرْ اللَّهْ سُنَ ذَمَنْ لَاڢِيَ، اللَّهْ وَنْدَ سُكٜىٰ رِڧٜىٰوَ أَ حَنُّ شِينٜىٰ ڧَرْڢِنْسُ؞ |
|
| 7 |
|
| «عَمَّا دَيْ تَمْبَيِ دَبُّواْبِنْ دَاجِ، ذَاسُ كُواْيَرْ دَكَيْ، ڟُنْڟَيٜىٰنْ سَرَرِنْ سَمَ ذَاسُ كُواْيَ مَكَ؞ |
|
| 8 |
|
| يِمَغَنَ دَ ڧَسَا، ذَاتَ كُواْيَرْ دَكَيْ، كِيڢَيٜىٰ نَثِكِنْ تٜىٰكُ مَا ذَاسُ سَنَرْ دَكَيْ؞ |
|
| 9 |
|
| عَثِكِنْ دُكَنْ وَطَنَّنْ، وَنٜىٰنٜىٰ عَثِكِنْسُ بَيْ سَنِ ثٜىٰوَ حَنُّنْ يَهْوٜىٰهْ نٜىٰ يَيِسُبَ؟ |
|
| 10 |
|
| عَثِكِنْ حَنُّنْسَ، كُواْوَنٜىٰ أَبُ مَيْ رَيْ يَكٜىٰ، أَ حَنُّنْسَ نٜىٰ نُمْڢَشِنْ دُكَنْ یَنْ أَدَمْ يَكٜىٰ؞ |
|
| 11 |
|
| يَدَّ هَرْشٜىٰ يَكَنْ طَنْطَنَ دَاطِنْ عَبِنْثِ، حَكَنَنْ كُنّٜىٰ يَكَنْ عَوْنَ كَلْمُواْمِنْ دَيَكٜىٰ جِ؞ |
|
| 12 |
|
| بَ أَوُرِنْ ڟُواْڢَڢِّ عَكٜىٰ سَامُنْ حِكِمَ بَ؟ بَعَثِكِنْ ڟَوُانْ ݣُونَكِے نٜىٰ عَكٜىٰ سَامُنْ ڢَهِمْتَ بَ؟ |
|
| 13 |
|
| «أَوُرِنْ اللَّهْ حِكِمَ دَ إِيكُواْ سُكٜىٰ، أَوُرِنْسَ نٜىٰ شَوَرَا دَ ڢَهِمْتَ سُكٜىٰ؞ |
|
| 14 |
|
| غَاشِ، عِدَنْ يَا رُشٜىٰ، بَعَسَاكٜىٰ غِنَاوَا، عِدَنْ يَا كُلّٜىٰ مُتُمْ، بَا مَيْ بُوطٜىٰشِ؞ |
|
| 15 |
|
| غَاشِ، عِدَنْ يَا حَنَ ضُوً سَمَ، وُرِنْ يَكَنْ بُوشٜىٰ، عِدَنْ يَا سَكٜىٰ ضُوً، سَيْ ضُوً يَهَلَّكَرْ دَ ڧَسَا؞ |
|
| 16 |
|
| أَوُرِنْسَ عَيْنِحِنْ حِكِمَ دَ ڧَرْڢِے سُكٜىٰ، عَڧَرْڧَشِنْسَ مَيْ رُوطُ دَ وَنْدَ عَكَ رُوطٜىٰشِ سُكٜىٰ؞ |
|
| 17 |
|
| يَكَنْ لَلَتَرْدَ تُنَانِنْ مَاسُ بَادَ شَوَرَا، يَكَنْ مَيْدَ أَلْڧَلَيْ وَوَيٜىٰ؞ |
|
| 18 |
|
| يَكَنْ تُوٻٜىٰ رِغَرْ مُلْكِ دَغَ سَرَاكُنَ، يَطَوْرَا مُسُ ڟُمُّواْكِ؞ |
|
| 19 |
|
| يَكَنْ تُوٻٜىٰ رِغَرْ حِدِمَ دَغَ ڢِرِسْتُواْثِے، يَكُمَ تُمْٻُكٜىٰ وَطَنْدَ سُكَ كَڢُ أَمَڟَيِنْسُ؞ |
|
| 20 |
|
| يَكَنْ رُڢٜىٰ بَاكِنْ وَطَنْدَ عَكَ دُواْغَضَ عَكَنْسُ، يَكَنْ كُمَ كَوَرْدَ ڢَهِمِنْ دَتَّاوَا؞ |
|
| 21 |
|
| يَكَنْ كُنْيَتَرْدَ مَنْيَنْ مُتَنٜىٰ، يَتُوٻٜىٰ رِغَرْ دَرَجَ نَمَاسُ ڧَرْڢِے؞ |
|
| 22 |
|
| يَكَنْ تُواْنَ أَسِيرِنْ دَ دُهُ يَٻُواْيٜىٰ، يَكَٰوُاْ ظُرْڢِنْ دُهُ غَ حَصْكٜىٰ؞ |
|
| 23 |
|
| يَكَنْ تَادَ أَلْعُمَّ تَيِ ڧَرْڢِے، يَكُمَ هَلَكَاتَ، يَكَنْ غِنَا أَلْعُمَّ تَيِ غِرْمَ، يَكُمَ كَوَرْدَ عِتَ؞ |
|
| 24 |
|
| يَكَنْ لَلَتَرْدَ تُنَانِنْ شُوغَبَنِّنْ ڧَسَا، يَسَا سُيِ يَٰوُاْ بَرْكَتَيْ أَدَاجِ عِنْدَ بَابُ حَنْيَ، |
|
| 25 |
|
| سُيِ تَلَلُبَوَ ثِكِنْ دُهُ عِنْدَ بَابُ حَصْكٜىٰ، يَسَا سُيِ تَنْغَطِ كَمَرْ وَطَنْدَ سُكَ بُغُ؞» |
|
|
|
|