1
“Gu boro de avungu ni gani arame ni kina guru he gbua, ki hi ahi be fudifudipai.
2
Ni kuru wa mbumbuda, ki nyokora; ni naora wa kina nzereme, ka ni aima nga ya.
3
Mo niza bangiro ka bi ngbatunga boro wa gu ni re, ki ye na ni sa sarangbanga na mo?
4
Da rengbe ka kusa gigiri he rogo birikobiriko he yo? A nga boro ho sa te.
5
Wa du he nga gani arame ni ringbisiringbisi he, gedigedi gani adiwi du kina be ro, mo aringbisi ba gani ngbandarago ya ka ni susi nga ha ya,
6
si du mo di bangiro ti ni ku sa yo, ni ongodi nga, ni nyasi gani sunge na ngbarago wa boro sunge ti gani uru.
7
“Bambiko maabangirise du tipa ugu a, ka i de he ku sande, si ki kuru berewe, ka gu fogo ho ambú nga funa ya.
8
Ka taraha sende yo vura kuruka vurũ, katakpaha ki kpi ku sende yo;
9
ono mbiko gu taraha nagbida ime si afúna afuna berewe ki kusi abehe wa fogo rũrũ ngua.
10
Ono boro nakpi, ki paya apaya kindi; ono gu boro nafu toroni, wari du ni ni?
11
Wa aime nati bungudu ti baime, wiridi ki fu ki ugudi;
12
wo boro nipi sande ka ni aguari nga berewe ya; daho angbangbaturũ ka adú nga ni berewe ya, ni azínga nga te, watadu zinga be gani rame a ya.
13
Ako, ka mo oko re ku Baatoro kpikpi aDoro yo, ki banda re ni okooko re, daho ga zinga ka susa ni, ki ringbisi ringbisiringbisi rago fere, ki tingidi pa re!
14
Ka boro kpi, ni adú ni ungani berewe? Pa gimi arame mangapai dunduko mi akasunguda, daho pa kusa re ka da ni.
15
Ka mo ayamba he, mi akaraga pai foro; mo akpi nyemu gu he bero amangi.
16
Ka si adu wo, mo ageda pa dagba ndure, ka mo aberã nga pa gi ingapai ya;
17
gi samungu ki du ni kisikisi he ku mangu yo, mo adada gimi irairaapai.
18
“Ono bagangara nati ki gbandaka ku sa yo, bambia ki gbisi rogo gu ba ha;
19
wa aime nambura ambia; hihi ime nafu na mbudu sende auru kpotosende; kina wo mo nagbarasa ga boro maabangirise.
20
Mo nadia be ni nye anye kindi, ono ni nasusa asusa; mo nasa kpakpuni, ki kedi ni ku sa yo.
21
Awirini nga akumba ye sa irisa, ka ni aina nga ha ya; i ki payasi yo, ono ni aina nga pa ha te.
22
Ono ni ini kina pa ima kpotoni, ni ki nikpari ni aume tipa boroni.”
Zande Bible 1978
La Sainte Bible en Zande Alliance Biblique Universelle, 1978