|
| 1 |
|
| Kiwol anyun Elipas Temanindet kole, |
|
| 2 |
|
| Tos nyolu kowol chito ne ng’om eng’ naet ne bo buch, Ak konyiit moennyi usonet ne bo kong’asis? |
|
| 3 |
|
| Tos nyolu koruoch eng’ ng’alek che matilei kiy, Anan eng’ ng’alek che mayaei kiy ne mie? |
|
| 4 |
|
| Ee, ione kaiyweisiet, Ak igirindoi saet eng’ taitab Kamuktaindet. |
|
| 5 |
|
| Amu ineti tengektang’ung’ kuting’ung’, Ak ileweni ng’eleptab ng’alindet. |
|
| 6 |
|
| Iruogun kuting’ung’, ma ane; Ee, baorianjinin kuting’ung’ kogirindoin. |
|
| 7 |
|
| Tos inye chito ne kisib kesich? Anan kisib kesichin kotom kobiit tulonok? |
|
| 8 |
|
| Tos kiigas kiruogutikab ung’ot che bo Kamuktaindet? Ak iityinige inyege ng’omnatet? |
|
| 9 |
|
| Nee ne ingen ne magingen? Nee kaguiyet ne itinye, ne magitinye? |
|
| 10 |
|
| Kimi ak boisiek che bo kalwalek ak che kigoosegitu mising’, Che osen mising’ kosiir kwandang’ung’. |
|
| 11 |
|
| Tos nyerotin kagaigaosiekab Kamuktaindet eng’ inye, Ak ma kiy eng’ inye ng’olyotab mutyonet? |
|
| 12 |
|
| Amu nee si kobeetin muguleldang’ung’? Ak amu nee si komismis konyeguk? |
|
| 13 |
|
| Kot iwal tamirmirieng’ung’ kongelelji Kamuktaindet, Ak icham komong’une kuting’ung’ ng’alek che u choto. |
|
| 14 |
|
| Nee chi, kot kotililit? Ak nee inendet ne sichei kwondo kot kiit kele bo imanda? |
|
| 15 |
|
| Keero, maimang’u bikyik che tililen; Ee, ma tililen kipsengwetisiek eng’ tainnyi. |
|
| 16 |
|
| Kotam nee inendet ne kewechei ak ko samis? Chito ne eei tengekto ko u beek! |
|
| 17 |
|
| Aborun; kasa anyun; Ak amwaitoi tuguk che kiageer: |
|
| 18 |
|
| (Che kimwau bik che ng’omen Kobunu kwanisiekwak, ama uny; |
|
| 19 |
|
| Che kigigochi emet ichegei, Ama mi too ne kibunei kwenunywa:) |
|
| 20 |
|
| Kasei ng’wanindo kiptengekyot eng’ betusiekyik tugul, Ee, koitetab kenyisiek che kigigonorji usindet. |
|
| 21 |
|
| Mi itikyik tugetab kamuisosiek; Ibokyin inendet luulindet eng’ betusiekyik che bo borotet: |
|
| 22 |
|
| Maiyani kole weeksei eng’ mesundeito, Ak igeni rotwetab chok inendet: |
|
| 23 |
|
| Ombenoti kocheng’oti amitwogik, kolen, Mi ano? Ingen inendet kole kagorikyi betut ne bo mesundeito: |
|
| 24 |
|
| Imui nyalilda ak ng’wanindo; Iterteri ichek inendet ko u laitoriat ne chobot agobo luget: |
|
| 25 |
|
| Amu kigochuul inendet eunnyi kogirinda Kamuktaindet, Komenjin Inendet ne bo Kamuktaet; |
|
| 26 |
|
| Labatyin inendet eng’ kaatit ne uui, Eng’ ugutikab long’onikyik: |
|
| 27 |
|
| Amu kigotuch togennyi neratennyi, Ak koakwaitu suenutikyik; |
|
| 28 |
|
| Ak kigomeny nganasok che kigoguber, Eng’ gorik che mamenyei chi, Che negit koek karatwek. |
|
| 29 |
|
| Maegu magorio ama tebyei tugukyik, Ama rurtos tugukyik. |
|
| 30 |
|
| Maistoegei mesundeito; Iyami liblibenetab mat temenikyik, Ak wendi inendet eng’ kabusetab kutinnyi. |
|
| 31 |
|
| Amat komang’ tugukab buch, koberberegei: Amu egu melektanyi tangoita. |
|
| 32 |
|
| Isuldoi kotom koit betunnyi, Ama tuonitu temennyi. |
|
| 33 |
|
| Itumdumi sabibuk che tomo korurio ko u ketikab sabibuk, Ak kowirta taptennyi ko u emdit. |
|
| 34 |
|
| Amu egu sonon tuiyetab che maiywei Kamuktaindet, Ak beelei mat emaisiek che mi tugukab kagaigaet. |
|
| 35 |
|
| Manachi yaitiet, ak kosich tengekto, Ak kochob moenywa ng’alset. |
|
|
|
|