|
| 1 |
|
| Erifaza boro Temana ki karaga pai, ki ya: |
|
| 2 |
|
| “Ka iratatamana karaga pai ni kungba inahe naya aya, ki hisi vuni na kina gu yuge naye uroyo? |
|
| 3 |
|
| Ka ni saki pai ni gu fura nga fura bau, watadu agu afugo ka ni amanga nga wenepai na ni ya? |
|
| 4 |
|
| Ono mo naba gunde be Mbori ku sa yo, ki dingisa pa kparakpe bara bangiri Mbori. |
|
| 5 |
|
| Bambiko ga irairapai nayugo pai fu ngbaro, mo ki sia gu mirãse nga ga biriki. |
|
| 6 |
|
| Kina ngbaro nakita ngbanga ro, mi te; ii, kpotongbaro du ni dezire kuti ro. |
|
| 7 |
|
| “Mo nga gu bambata boro i avungu ni? Watadu mo i abatika ro mbata fu agangara? |
|
| 8 |
|
| Mo agi gu rondo nga ga Mbori? Mo nadingisa tatamana fu kina ro? |
|
| 9 |
|
| Gini pai ini mo, nga gu ani aina nga ha ya? Gini pai rugu mo tiro na ni, nga gu ani aruga nga tirani na pa ha ya? |
|
| 10 |
|
| Agu aboro du na ani du na anvue, na agu yo du ni kina kuru aboro gbe, gbinza gbe ti bamo. |
|
| 11 |
|
| Ga Mbori pa wasa si ni wiri toni he foro, watadu gu pai namanga ro yee? |
|
| 12 |
|
| Tipagine ngbaduro andu na mo ti ni ku sa yo? Na tipagine mo apira bangiro ti ni? |
|
| 13 |
|
| ya mo sa tororo kuti Mbori, ki idi he ngbatunga agu apai re nikuru ngbaro yo? |
|
| 14 |
|
| Gini he nga boro, rengbe ka du ni gigiri ni? watadu gu ni de avungu ni, rengbe ka du ni ruru boro? |
|
| 15 |
|
| Mo ngére, Mbori akida nga kuti gako ziazia yo te; du nga angbangbaturũ ni gigiri he bangiriko a te; |
|
| 16 |
|
| a ngbatika gu boro du ni kere gbegberẽ ni nazirã azirã, nga gu boro nambira irairapai wa ime! |
|
| 17 |
|
| “Mi ayúgo pai foro, mo gi sangba re; gu pai bi mi mi atáka pande he |
|
| 18 |
|
| nga gu pai gumba airatatamana, gu abayo aoka nga ha ya, |
|
| 19 |
|
| nga kina agu yo i afu ringara fu yo, ka kungba boro asusa nga dagba yo ya. |
|
| 20 |
|
| Gbegberẽ boro nasaka tini asaka be ima rogo gani arame du, ni gu dungu agarã i afu he tipa barungosi aboro. |
|
| 21 |
|
| Woro gbudagbuda gunde du tuni yo; rago gani zereda bagbarasi he aye ku ri ni. |
|
| 22 |
|
| Ni aberã nga ha ya ni akáraga tini bitimo yo berewe te, i ringbisi kina basape tipa ni. |
|
| 23 |
|
| Ni nata tuturũ tipa riahe, niya, ‘Wari du he ni?’ Ni ini he ya rago bitimo ima mbeda na ni; |
|
| 24 |
|
| rungosi na imisiripai nagundesi ni; si di be ni, wa gu bakindo ima mbakada tiko sa vura. |
|
| 25 |
|
| Bambiko ni taĩ beni ka so vura kuti Mbori, ki nimangi gani pai ni ruka kuti gu Ko du na tandu apai dũ, |
|
| 26 |
|
| ki ninyakasi gorõni ka ora sa ko, na nyanyaki amarã ti gani vurakube; |
|
| 27 |
|
| bambiko ni adadi kpakpuni na gani nzeme, ni adungura nzeme ti ngba dimoni, |
|
| 28 |
|
| ni araki kina rogo bate agbata, rogo agu abambu arengba nga aboro ka ra rogo ho ya, nga gu ringbisi yo ho ni guguda. |
|
| 29 |
|
| Ni adú nga ni irakumuko te, gani ahe aíma nga a te, gani idiidi ahe aída nga fu ni a te. |
|
| 30 |
|
| Ni amérã nga be bitimo te; mirãwe nikaugusa gani tamahe, yuge ayá na mbumbudaha ku sa yo. |
|
| 31 |
|
| Ka ni kída nga kuti kungba pai ya, ni nanga tini, bambiko kina kungba pai nikangia gani mosoro. |
|
| 32 |
|
| I afú he fu ni dũ mbata fu gani rago, behe adú nga ni iwo ho te. |
|
| 33 |
|
| Ni azígizo gani agba rindikakue wa bakakue, ki bafu gani mbumbuda ku sa yo wa ngua eraya. |
|
| 34 |
|
| Bambiko gu rika aboro nga azangasinombori du wa zangada, we nikarita ga aboro mabirimo abamburoko. |
|
| 35 |
|
| I du na mobara gbegberepai, ki vungu kina irairapai, kpotoyo yo nambakada pa nangahe.” |
|
|
|
|