|
| 1 |
|
| O Job phenda leke: |
|
| 2 |
|
| But droma asundem orbe sargo gala, aven te den man zor ta joliaven man saurre. |
|
| 3 |
|
| ¿Kana ka achen tumare orbe kai si sargo e balav? ¿Soke jan tumen manchar? |
|
| 4 |
|
| I me sai dav orba sargo tumen, te avilena tumen sargo me, ta lachardema nesave alava, ta sai miskosardema mo soro espurniaia. |
|
| 5 |
|
| A me diema tumen zor ma alavenchar, ta diema tumen zor te lelpe tumari duk. |
|
| 6 |
|
| A te dav orba, mi duk ni achel, a te na dav orba, ni llaltar mandar. |
|
| 7 |
|
| A akana tu Devla chiniardan man, cherdan te muken man korkorre sa e llene. |
|
| 8 |
|
| Tu cherdan te gorcholpe mo mui, mo sukipe del orbe mandar angla mande, |
|
| 9 |
|
| leki joli drobosarda man, ta marelpe manchar, jirchisarda pe mande pe danda, ta mo dusmano thoda pe mande pe akha. |
|
| 10 |
|
| E llene den orbe pe mande, chalade man pe mo mui, sa chidinaile pe mande. |
|
| 11 |
|
| O Del dia man ando va e kojamneko ta cherda te perav ande va katar e bilache. |
|
| 12 |
|
| Llala mange sukar, a vou drobosarda man, chirdia man e korratar ta cherda man pe milia kotora ta thoda man te chudel pe llide ande mande. |
|
| 13 |
|
| Thodepe truial mandar leke llene kai chuden e llide, ta den amde mo mas ta chinde me bubreskura, ta mi feria thavdia llik pe phuv. |
|
| 14 |
|
| Phlagla man ta pale phagla man, prastio pala mande sargo iek manus but baro. |
|
| 15 |
|
| Thodem o prajo pe mo mas, ta thodem mo soro ande prajo. |
|
| 16 |
|
| Mo mui si suvlo katar o roipe, ta nasti dukhav pe me akha, |
|
| 17 |
|
| a me va si chiste katar o bilachipe, ta mo molipe si chacho. |
|
| 18 |
|
| ¡Ioi phuv, te na uchare mo rat, ta te asundol mo avazi pe suako rig! |
|
| 19 |
|
| A ando miloso si ko dikhla sa, ta del e orba chachi chak upral. |
|
| 20 |
|
| Gola kai janpe manchar si isto me amal, a angla o Del ka peren me ausa. |
|
| 21 |
|
| ¡Gia sukar avela iek kris e Devlea sar krisi e manusa! |
|
| 22 |
|
| A e burs kai si chinade si te aven, ta si te llav po drom kai ni ka iriu man palpale. |
|
|
|
|