×

أَتَّوْرَتْ دَ أَنَّبَاوَا 2020

Ayuba 17

1
«نَا ڢِدَّ ذُوثِيَا، ݣُونَكِنَ سُنْ كَيْ غَ ڧَارٜىٰوَ، كَبَرِ نٜىٰ كَطَيْ يَضَغٜىٰ مِنِ؞
2
لَلَّيْ، مَاسُ يِمِنِ بَعَ سُنْ كٜىٰوَيٜىٰنِ، حَلِنْسُ نَبَنْ هَوْشِنٜىٰ كَطَيْ عِدَنُونَ سُكٜىٰ غَنِ؞
3
يَا اللَّهْ ، كَتَبَّتَا ذَاكَ ڟَيَ مِنِ؞ بَنْ دَكَيْ، وَنٜىٰنٜىٰ ذَيْ ڟَيَ مِنِ؟
4
تُنْدَ كَيْ كَا ٻُواْيٜىٰ غَانٜىٰوَ دَغَ تُنَانِنْسُ، بَذَاكَ يَرْدَ سُيِ نَصَرَبَ؞
5
بِسَغَ كَرِنْ مَغَنَ، ‹دُكْ وَنْدَ يَثِ أَمَانَرْ أَبُواْكَنْسَ سَبُواْدَ كُطِ، یَیَنْسَ ذَاسُ شَا وَهَلَ دَ يُنْوَ؞›
6
«كَيْ كَمَيْدَنِ أَبِنْ مِصَالِ غَ مُتَنٜىٰ، نَذَمَ وَنْدَ مُتَنٜىٰ سُكٜىٰ تُواْڢَ مَسَ مِيَوْ؞
7
سَبُواْدَ ڟَنَنِنْ بَڧِنْ ثِكِ عِدَنُونَ سُنْ دُهُنْتَ، غَٻُواْٻِنْ جِكِينَ سُنْ رَمٜىٰ، نَذَمَ كَمَرْ ڟِنْكٜىٰ؞
8
مَاسُ غَسْكِيَ أَ ظُوثِ سُنْ رَسَ أَبِنْ ڢَطَا، مَرَرْ لَيْڢِے يَدَامُ سُواْسَيْ عَكَنْ مَرَسَ ڟُواْرُوانْ اللَّهْ ؞
9
دُكْدَهَكَ، مَيْ أَدَلْثِے يَرِڧٜىٰ حَنْيَرْسَ، وَطَنْدَ سُكٜىٰ دَ ڟَبْتَ، حَنُّوَنْسُ سُنَيِ تَڧَارَ ڧَرْڢِے؞
10
«يَنْذُ دَيْ، كُو دُكَنْكُ كُدَاوُاْ كُڧَارَ يِنْ ڧُواْڧَرِ، عَمَّا نَسَنِ بَذَنْ تَرَرْ دَ مَيْ حِكِمَ عَثِكِنْكُبَ؞
11
ݣُونَكِنَ سُنْ كَيْ غَ ڧَارٜىٰوَ، شِرْيٜىٰ شِرْيٜىٰنَ سُنْ لَلَثٜىٰ، حَرْ مَا دَ نِيَّرْ ذُوثِيَاتَ؞
12
أَبُواْكَيْنَ سُكَثٜىٰ دَرٜىٰ شِينٜىٰ رَانَ، سُكَ كُمَثٜىٰ ‹حَصْكٜىٰ يَيِ كُسَ›، عَمَّا نِے دَيْ، دُهُ نَكٜىٰ غَنِ؞
13
بَا نِے دَ سَوْرَنْ سَا ذُوثِيَا، عِدَنْ نَا سَا عِدُواْ إِنْيِ غِدَانَ أَوُرِنْ ذَمَنْ مَتَتُّو، عِدَنْ نَا شِمْڢِطَا تَبَرْمَتَ أَدُهُ،
14
عِدَنْ نَا ثٜىٰ وَكَبَرِ، ‹كَيْنٜىٰ بَابَنَ›، غَ ڟُڟَ كُمَ، ‹كٜىٰثٜىٰ مَامَاتَ› كُواْ ‹یَرْعُوَتَ،›
15
تُواْ، إِنَا ڢَا أَبِنْدَ نَسَا ذُوثِيَاتَ غَرٜىٰشِ؟ وَ ذَيْ غَ وَنِ وُرِنْ دَ ذَنْسَا ذُوثِيَاتَ؟
16
أَعَ، سَا ذُوثِيَاتَ ذَاتَ غَنْ‌غَرَ تَرٜىٰدَنِ ثِكِنْ كَبَرِ، تَرٜىٰ ذَامُ هُوتَ عَثِكِنْ ڧُورَرْ ڧَسَا؞»
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula