×

Ika Bible 2018

Jobu 18

1
Ya Bidadị onyẹ Shu nọ sị,
2
“Elee mgbe kẹ ụnụ k'e kubehi oku ndịnị? Nwọnrinkwọ ni uche, nị ẹnyi nwẹn ku.
3
“Kị haịn ẹnyi gi nọ ụnụ kẹ efin ẹnya? Kị haịn ẹnyi gi nọ ị kẹ ndị ẹwobi ẹnya?
4
Ịyụ hụn a dọyịya enwẹn i n'i rị e bu olulu! Ị sị wẹ la ụwa tọn'ị? Ị sị nwan wẹ wepụsọnmẹ ugu ọnọdị wẹ?
5
W'e tinyụn ukpẹ eje-ịhịan etinyụn; ọkụn a enwunbehi enwunbehi.
6
Ukpẹ rị iwe ẹ e tinyụnzị etinyụn; ukpẹ nọkunmẹn'ẹ e tinyụn etinyụn.
7
Ụkụ a atụkọzị alị; ihiẹn o romẹ e butu ẹ.
8
Ụkụ a e bu ẹ e che imẹ ọnyan, ọ waban ọnụ ọnyan hụ, ọ nwụndọn ẹ.
9
Ọnyan a nwụn a atụkụ-azụụn; ọnyan e kwọnkẹnmẹ ẹ.
10
W'e shitọn'a ọnyan nzọpu alị n'ọ zọye ụkụ; ọnyan rị ozue ẹ e che ẹ.
11
Ihiẹn egun e fihunmẹ ẹ ụzọ ile, e sọnhunmẹ ẹ.
12
Nsọngbu a chọd'a a chọ; ntikpọ nkẹ hụ e che ẹ n'ọ dan.
13
O risọnmẹ akpụkpọ ẹhụ a mkpabe-mkpabe; emu, nwa-ibuzọ ọnwụn, e ripụ a ụkụ lẹ ẹka.
14
W'a kpụnpụ a iwe ẹ o te gi dọn ẹnya, e duru ẹ e jẹnni ihiẹn-egun ka ihiẹn-egun hụn wụ ọnwụn.
15
Ihiẹn ọ marịnlẹni e mẹ iwe ẹ; w'e fedẹ nsịn-ẹnyanwụn e ye ihiẹn ẹ ile.
16
Mkpọgụn a rị alị a kpọpụ nkụn, agalaba a rị elu e shinwụn.
17
Anyanhankọzị w'a elu-ụwa; onwọnkọ ẹfan imẹ alị wẹ.
18
W'a gha imẹ ukpẹ a chụ a e ye imẹ ishi, a chụpụchanrịnd'a elu ụwa.
19
Ara nwọn onyẹ ọ latọ imẹ ndị nke ẹ, onwọnni onyẹ e bikin ugbẹ ẹ.
20
Ihiẹn e kunrunn'ẹ a tụgbu ndị rị ẹbamịn ọdịdan-ẹnyanwụn ẹnya, a gba ndị rị ẹbamịn ọwụwa-ẹnyanwụn akpata-oyi.
21
Eziẹ, ya wụ ihiẹn e mẹ ebe eje-ịhịan bi, ya wụ ihiẹn e mẹ iwe onyẹ marịnlẹni Chuku.”
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes