×

WẼNNAAM SEBRE 2014

Zoob 18

1
Suhit tẽng rao a Bildaad yeelame:
2
«Yãmb na n basa y goamã dabʋre? Tags bilf tɩ tõnd me na n gomame.
3
Bõe yĩng tɩ f tagsdẽ tɩ tõnd yaa wa rũms bala? Bõe yĩng tɩ f tagsdẽ tɩ tõnd yaa neb sẽn ka tar yam?
4
Fo sũurã sẽn yik tɩ zabd foomã, fo yĩng ka tõe tɩ dũniyã lebg vɩʋʋg ye. La pĩisã kug ka na n sers n bas-b zĩisã fo yĩng me ye.
5
N-yẽe! Nin-wẽng vẽenem na n kiime, la a bugmã sẽn witã ka na n leb n wid ye.
6
Yẽnda fu-roogã pʋg vẽenem na n lebga lika, la a fɩtlã sẽn wit yẽnda zugẽ wã bugum na n kiime.
7
A naoã sẽn kegma na n kẽnd n lamsdame. Yẽnda mengã saagr n na n lubd-a.
8
Bala, yẽnda naoã lʋɩɩ bẽdg pʋg tao-tao. A naoã taba bẽodgã gaamdsã pʋga.
9
Bẽdgã gãda a nao-kãsenkãare. Bẽdgã wĩy sẽbgd-a lame.
10
B busa bẽodgã tomẽ n na n yõk-a. B bẽda kuusr a sorã zugu.
11
Pelen-yɩk gũbg-a-la zĩig fãa tɩ yaa rabeem. Pelen-yɩkã pʋgda yẽnda a sẽn dabd zĩig ning fãa.
12
Kom booga yẽnda pãnga. La toog lebga yẽnda pak-n-taaga.
13
Bãag rɩ a yĩn-gãongã zãnga. Kũum bi-rẽengã rɩɩ yẽnda yĩngã wilã fãa.
14
B võoga yẽnda n yiis a fu-roog ning a sẽn dag n be wã pʋga. A talla a meng n tɩ kɩs a yɛɛsg naaba.
15
Fo tõe n kell n paa yẽnda fu-roogẽ wã, bala, a ka leb n yaa yẽnda n so ye. B na n yugla a yirã kidbri.
16
A yẽgã sẽn be tẽngrã kʋɩɩme, a kʋɩɩme hal tɩ tãag a wil-gelengeesã.
17
B ka leb n tẽegd a yell tẽng zug ye. A yʋʋr menema tẽngã pʋgẽ.
18
B yiis-a-la vẽenem pʋgẽ n kẽes likẽ, n dig-a n yiis tẽng zugu.
19
Yẽnda ka tar doog bɩ yagens a nebã sʋk ye. Nin-vɩɩg ka kell zĩig ning yẽnda sẽn dag n yaa sãan a pʋgẽ wã ye.
20
Yẽnda raboogã na n kɩtame tɩ neb nins sẽn be nin-taoorã pɛleng yɩke. La rabeem na n yõka neb nins sẽn be yaangã.
21
Nin-wẽng yir yaa woto. Ned ning sẽn ka mi Wẽnnaam, a zĩig yaa woto!»
Mossi MPBU 2014
Moore Bible Bible Society of Burkina Faso, 2014
:
Save Notes