Biblia Ande Chib Romani 2018
|
| 1 |
| Ondaka o Bildad o suita phenda leke: |
| 2 |
| ¿Kana ka acha te de orba? Mislisao ta mapalal ka da amen orba. |
| 3 |
| ¿Soke dikhen amen sargo zivirinie ta angla tumare akha sam bilache? |
| 4 |
| Tu kai chine cho mas ande chi joli, ¿Ka avel pusti e phuv cheres tu ta ka aven ikande katar po than e pechine? |
| 5 |
| Chachimaia o villelo e bilacheko ka merel, ta ni ka phabol ios leki iag. |
| 6 |
| O villelo ande leki chara ka cherdol truniariko, ta leki memeli ka merel. |
| 7 |
| Leke estope zurale ka aven chinde, ta ka kojadol isto ande pe alava. |
| 8 |
| Ka avel thode mreze pe leke porrne, ta upral ka phirel. |
| 9 |
| Pe leko porrno ka avel thodo iek solo, ta o kojaipe ka istarel le zurale. |
| 10 |
| O solo si gurudino ande phuv, ta po drom aduricharel le o kojaipe. |
| 11 |
| Ka izdral daratar pe suako rig, ta ka nasel katar e dar kai ka llal pala le. |
| 12 |
| Ni ka avel le zor bokhatar, ta lipime pe lete ka avel leki belava. |
| 13 |
| O nasualipe ka jaliarel leko mas, ta o meripe ka jal leki esnaga. |
| 14 |
| Ni ka uzdilpe ande pi chara, ta ka avel inllardo kai o charo katar e dar. |
| 15 |
| Ka zivil ande pi chara sargo kana si avereki, barra katar o asufre ka aven rispime pe leki chara. |
| 16 |
| Telal ka aven chinde leke zile, a upral ka aven chinde leke krangura. |
| 17 |
| Leke mislura ka meren pe gaia phuv ta niko ni ka phenel leko anav pe droma, |
| 18 |
| ka avel chudino katar o villelo kai o truniariko, ta tradino avri katar o sueto. |
| 19 |
| Ni ka avel le ni chaurro ni unuko ande leko foro, ta ni ka avel le ko te achel ende leko cher. |
| 20 |
| Katar likel o kham llik kai perel o kham, ka daran kana ka llanen kai mulo. |
| 21 |
| Kote zivin gola kai ni pachan ando Del, ta gua ka avel o than kai ni pinllarde e Devle. |
| Save Notes |
https://beblia.bible:81/BibleAudio/romanibachro/job/018.mp3
42
18