|
| 1 |
|
| سَيْ أَيُوبَ يَأَمْسَ يَثٜىٰ، |
|
| 2 |
|
| «حَرْ يَوْشٜىٰ ذَاكُيِ تَبَانِ عَذَابَ، كُكُمَ ڢَرْڢَشٜىٰنِ دَ كَلْمُواْمِنْكُ؟ |
|
| 3 |
|
| سَوْ غُواْمَ كٜىٰنَنْ كُكٜىٰ تَجِبْغَ مِنِ ذَاغِ، بَ كُجِ كُنْيَا يَدَّ كُكَ وُلَڧَنْتَرْ دَنِے بَ؟ |
|
| 4 |
|
| كُواْ دَمَا دَ غَسْكِيَانٜىٰ نَيِ كُسْكُرٜىٰ، أَيْ، كُسْكُرٜىٰنْ يأَنَانً نٜىٰ عَكَيْنَ؞ |
|
| 5 |
|
| عِدَنْ دَ غَسْكٜىٰ كُكَ طَوْكَ كُنْ ڢِينِ، كُكَ كُمَ طَوْكَ ڧَسْڧَنْثِنَ تَبَّثِنْ لَيْڢِينَ نٜىٰ، |
|
| 6 |
|
| سَيْ كُسَنِ اللَّهْ نٜىٰ يَسَا نِے ثِكِنْ عَذَابَرْ نَنْ شِ يَكٜىٰوَيٜىٰنِ دَ تَرْكُوانْسَ؞ |
|
| 7 |
|
| كُواْ دَ نَيِ إِيهُ ثٜىٰوَ ‹أَنَ يِمِنِ تَاوَيٜىٰ!› بَنْ سَامِ أَمْسَبَ، نَيِ كِرَنْ نٜىٰمَنْ شَرِيعَرْ غَسْكِيَ، عَمَّا بَنْ سَامُبَ؞ |
|
| 8 |
|
| اللَّهْ يَرُڢٜىٰ حَنْيَتَ بَنْ عِيَ وُثٜىٰوَبَ، يَكُمَ رُڢٜىٰ حَنْيَتَ دَ دُهُ؞ |
|
| 9 |
|
| يَتُوٻٜىٰ دَرَجَتَ دَغَ غَرٜىٰنِ، يَڨُوثٜىٰ مِنِ هُولَرْ غِرْمَ دَغَ كَيْنَ؞ |
|
| 10 |
|
| يَكَكَّرْيَ نِے دَغَ كُواْوَنٜىٰ غٜىٰڢٜىٰ، تَاوَتَاڧَارٜىٰ، يَتُمْٻُكٜىٰ سَا ذُوثِيَاتَ كَمَرْ يَدَّ عَكَيِ دَ إِتَاثٜىٰ؞ |
|
| 11 |
|
| يَكُنَّ ڢُشِنْسَ غَابَادَنِے، يَطَوْكٜىٰنِ كَمَرْ أَبُواْكِنْ غَابَنْسَ؞ |
|
| 12 |
|
| يَعَيْكُواْ دَ ضُنْدُنَارْ سُواْجُواْجِنْسَ سُڢَاطَ مِنِ، سُنْ تُواْنَ رَامِ كٜىٰوَيٜىٰ دَنِے، سُكَ كَڢَ ذَنْغُواْ كٜىٰوَيٜىٰ دَ تٜىٰنْتِنَ؞ |
|
| 13 |
|
| «يَسَ یَنْعُوَنَ سُنْيِ نِيسَ دَنِے، وَطَنْدَ دَا سُنْ سَنِّ، نَذَمَ كَمَرْ بَڧُواْ أَغَرٜىٰسُ؞ |
|
| 14 |
|
| دَنْغِنَ سُنْبَرْنِ، أَبُواْكَيْنَ نَكُسَ سُنْ مَنْتَادَنِے؞ |
|
| 15 |
|
| بَڧِنْ دَ سُكَ سَوْكَ غِدَانَ دَ بَايِنَ مَتَ سُنْ طَوْكٜىٰنِ بَڧُواْ، أَعِدُوانْسُ نَذَمَ كَمَرْ وَنِ دَغَ وَتَ ڧَسَا؞ |
|
| 16 |
|
| نَا كِرَا بَاوَنَ، عَمَّا يَڧِ يَأَمْسَ، كُواْ دَنِے كَيْنَ نَدُرْڧُسَ نَا ضُواْڧٜىٰشِ؞ |
|
| 17 |
|
| وَرِنْ نُمْڢَشِنَ أَبِنْ ڨَمَ نٜىٰ غَ مَاتَتَ، نِے كَيْنَ أَبِنْ ڨَمَ نٜىٰ غَ یَیَنَ؞ |
|
| 18 |
|
| حَرْ مَا یَنْ يَارَا سُنْڧِينِ، سَعَدَّ نَمِيڧٜىٰ ڟَيٜىٰ نَذَمَ أَبِنْ دَارِيَا؞ |
|
| 19 |
|
| دُكَنْ أَبُواْكَيْنَ نَكُرْكُسَ كَلُّوانْ ڨَمَ سُكٜىٰيِ مِنِ، وَطَنْدَ نَكٜىٰ ڧَوْنَرْسُ سُنْ جُويَا مِنِ بَايَ؞ |
|
| 20 |
|
| نَذَمَ ڧَسُسُوَ، حَرْ مَا أَنَ عِيَ ڧِرْغَوَ دَغَ ڢَتَرْ جِكِينَ، دَݣَرْ نَڟِيرَا دَغَ بَاكِنْ مُتُوَ؞ |
|
| 21 |
|
| يَا كُو أَبُواْكَيْنَ، كُجِ تَوْسَيِنَ! غَمَا حَنُّنْ اللَّهْ يَبُغٜىٰنِ؞ |
|
| 22 |
|
| دُوانْمٜىٰ ذَاكُ ڟَنَنْتَ مِنِ كَمَرْ يَدَّ اللَّهْ يَيِ؟ عَذَابَرْ دَ عَكٜىٰبَانِ بَيْ إِشٜىٰكُبَ؟ |
|
| 23 |
|
| «دَمَا أَ رُبُوتَ كَلْمُواْمِنْ دَ نَكٜىٰ ڢَطَا مَنَ! دَمَا أَرُبُوثٜىٰ سُكٜىٰ أَ نَطَطّٜىٰنْ لِتَّڢِ! |
|
| 24 |
|
| دَ أَ ذَانَسُ دَ أَبِنْ رُبُوتُو نَڧَرْڢٜىٰ، سُتَبَّتَا عَكَنْ دُوڟٜىٰ حَرْ أَبَدَا! |
|
| 25 |
|
| نِے دَيْ نَسَنِ مَيْ ڢَنْسَتَ يَنَدَ رَيْ، عَڧَرْشٜىٰ ذَيْذُواْ يَڟَيَ مِنِ؞ |
|
| 26 |
|
| بَايَنْ ڢَتَرْ جِكِينَ يَلَلَثٜىٰ، أَوَنَّنْ جِكِے ذَنْغَ اللَّهْ ؞ |
|
| 27 |
|
| نِے دَكَيْنَ ذَنْغَنْشِ عِدُواْ دَ عِدُواْ، بَ كُوَ ذَيْ ذَمَ بَڧُواْ أَغَرٜىٰنِبَ، ذُوثِيَاتَ تَنَ مَرْمَرِنْ لُواْكَثِنَّنْ؞ |
|
| 28 |
|
| «عِدَنْ كُكَثٜىٰ، ‹تَيَيَا ذَامُ ڟَنَنْتَ مَسَ؟› كُواْ كُثٜىٰ، ‹تُوشٜىٰنْ دَامُوَرْ أَوُرِنْسَ يَكٜىٰ،› |
|
| 29 |
|
| تُواْ، سَيْ كُجِڟُواْرُوانْ تَكُواْبِے، غَمَا ڢُشِے يَكَنْ جَٰوُاْ حُكُنْثِنْ تَكُواْبِے؞ كُسَنِ ڢَا أَݣَويْ حُكُنْثِ!» |
|
|
|
|