|
| 1 |
|
| Dayon nagsabat si Job: |
|
| 2 |
|
| Ngaa bala wala kamo nagauntat sa pagtublag sa akon paagi sa inyo mga pulong? |
|
| 3 |
|
| Sa tanan nga tion inyo ako ginainsultohan, kag wala kamo nagakahuya sang inyo pagpakalain sa akon. |
|
| 4 |
|
| Abi, kon nakasayop ako, ngaa nagabatyag gid kamo? |
|
| 5 |
|
| Nagahunahuna kamo nga mas maayo pa kamo sang sa akon, kag nagakabig nga ang akon mga pag-antos nagapamatuod nga ako may sala. |
|
| 6 |
|
| Wala bala ninyo makita nga ang Dios amo ang naghimo sini? Sia ang nagbutang sang siod sa pagdakop sa akon. |
|
| 7 |
|
| Nagareklamo ako sa iya pagsakit sa akon, pero wala sing may nagapamati. Nagpangayo ako sing hustisya, pero wala gid ako ginhatagi. |
|
| 8 |
|
| Ang Dios nagbalabag sa akon alagyan, kag indi ako makaagi, gintabunan niya ang akon dalan sang kadudulman. |
|
| 9 |
|
| Ginkuha niya ang tanan ko nga mga manggad, kag ginmusingan ang akon dungog. |
|
| 10 |
|
| Ginaguba niya ako bisan diin ako magliso. Kaangay sang kahoy gingabot niya ang akon paglaom kag ginbayaan ako nga malaya kag mapatay. |
|
| 11 |
|
| Ang Dios nagabalingaso sa iya kaakig batok sa akon, kag ginakabig niya ako subong pinakamalaut nga kaaway. |
|
| 12 |
|
| Ginapadala niya ang iya mga hangaway sa pagsalakay sa akon, nagakutkot sila sing mga trinsera kag ginalibutan ang akon tolda. |
|
| 13 |
|
| Gintugot sang Dios nga sikwayon ako sang akon panimalay, nangindumoluong ako sa mga nakakilala sa akon. |
|
| 14 |
|
| Ang akon mga pariente kag ang akon mga abyan nagtalikod sa akon. |
|
| 15 |
|
| Ang mga bisita sa akon balay nagkalimot sa akon, ang akon mga kabulig nga babayi nagakabig sa akon nga sumalayo kag dumoluong. |
|
| 16 |
|
| Kon ako magtawag sang isa ka suloguon wala sia nagasabat, bisan nagapakitluoy ako nga buligan niya ako. |
|
| 17 |
|
| Ang akon asawa indi makaagwanta sang baho sang akon ginhawa, kag ang akon nga mga utod nga lalaki indi magpalapit sa akon. |
|
| 18 |
|
| Ang mga kabataan nagatamay sa akon kag nagakadlaw kon makita nila ako. |
|
| 19 |
|
| Ang mahirop ko nga mga abyan nagakaakig sa pagtulok sa akon, ang mga ginhigugma ko sing labi nagkontra sa akon. |
|
| 20 |
|
| Tul-an na lang ako nga ginaputos sang panit, diutayan na lang ako mapatay. |
|
| 21 |
|
| Mga abyan ko kamo! Kaluoyi ninyo ako! Ginpatup-an ako sang Dios sang iya kamot. |
|
| 22 |
|
| Ngaa nga ginahingabot ninyo ako subong sang paghingabot sang Dios? Indi bala sobra na ang inyo pagsakit sa akon? |
|
| 23 |
|
| Maayo kuntani kon may isa nga nagasulat sang akon ginahambal, kag may nagabutang sang akon mga pulong sa isa ka libro! |
|
| 24 |
|
| Ukon magsinsil sang akon mga pulong sa bato, kag masulat ini agod magapadayon sa wala sing katapusan. |
|
| 25 |
|
| Pero nakahibalo ako nga sa langit may isa nga magaabot sa ulihi sa pag-apin sa akon. |
|
| 26 |
|
| Bisan sa tapos ang akon panit madunot sa balatian, samtang yari pa sa sini nga lawas makita ko ang Dios. |
|
| 27 |
|
| Makita ko sia sang akon kaugalingon nga mga mata, kag indi sia mangindumoluong. Nagakadula ang akon kaisog tungod kamo nagsiling, |
|
| 28 |
|
| “Ano ang aton pagtublag sa iya?” Nagpangita kamo sing kabangdanan sa paghingabot sa akon. |
|
| 29 |
|
| Pero karon, magkahadlok kamo sa espada, ang espada nga nagadala sang kaakig sang Dios sa sala, agod inyo mahibaluan nga may isa nga nagahukom. |
|
|
|
|