Yehova wa popia la Satana hati, Wa limbuka ukuenje wange Yovi okuti kilu lieve ka kuli ukuavo wa lisoka laye, omunu wa pua etondelo haeye ukuesunga, o sumba Suku, Kuenje o suvuka evĩho? Ndaño wa ñokelele utima woku tava oku u nyõla ño ocali haimo ka liwekele kesunga liaye.
Puãi Yovi wo kumbulula hati, O popia ndukãi emamohe. Peka lia Suku nga, tu tambula lika eci ciwa, ka tu tambulavo hẽ eci cĩvi? Kovina evi viosi Yovi ka lingile ekandu lomẽla waye.
Eci akamba vatatu va Yovi va yevaovina evi viosi vĩvi a kasi lavio, oco veya, omunu omunu lokimbo liavo okuti Elifasi u Temani, la Bilidade u Siuhi, kuenda Cofare u Namati. Va liusika eteke lioku ka ñualehẽla ha va endi oku u pasula loku u lembeleka.