|
| 1 |
|
| Temani chyhsa Eliphâ ta a chhy ta: |
|
| 2 |
|
| “Chyhsapa heta Khazohpa châta phahnaina a hnei aw ma? Asopa la anosasyh châta phahnaina a hnei tlai aw. |
|
| 3 |
|
| Nâ dopa vâta Atotaotheipa â ly kaw ma? Seina hnei leipa na châpa cha â thôhkhei kaw ma? |
|
| 4 |
|
| Ano na chi thei nawpa ta ma cha chhorei ta, Ryureina liata a châ ngiakhei tly? |
|
| 5 |
|
| Na paraona hluh tupa vâta châ ta, Na moleina ta chhâna rai hnei leipa ta, |
|
| 6 |
|
| Chhâpa y leipa ta na unawhzy tawhta sôhkâ la chi ta, Thluahruapazy ama chysia pahluhpa chi ta, |
|
| 7 |
|
| Thachhâpa hnohta ti do awpa pie leipa chi ta, Nodipa hnohta viahchhâ na pie leipa vâta a châ. |
|
| 8 |
|
| Chyhsa thatlôpa ta râh hnei ta, Khokheipa chyhsa ta cha liata a pahrâ. |
|
| 9 |
|
| Nôhmeizy ku ruapa ta pasiesa chi ta, Paw hnei leipa bâhzy na thlie. |
|
| 10 |
|
| Chavâta na kiapâh liata khoheih sai ta bie ta, Apahlawna nata thlazohna ta cha patu ta, |
|
| 11 |
|
| Na hmô thei lei nawpa ta zohna ta cha khu ta, Tisaih ta a cha vao hapa a châ. |
|
| 12 |
|
| “Khazohpa cha avâ sâhpa liata a ypa châ ta, Awhsi a sâh chaipazy khi moh la, Amâ sâhzie khi moh tua rai! |
|
| 13 |
|
| ‘Khazohpa cha khâpa ma a pahno tly? Zohna chatôhpa ta ryureih thei bao aw vei. |
|
| 14 |
|
| A hmô lei nawpa ta meihdo chhapa ta pahli ta, Avâ chôkhu liata tlâ â hlaihlâpa khi,’ tah chi ta. |
|
| 15 |
|
| Chyhsa moleipazy siena Lâpi parohpa ma a chhih nâ chhuah hra? |
|
| 16 |
|
| Ama daihti hlâta siekheipa châ ei ta, Amâ bôna tisaih ta a phao hapa kha. |
|
| 17 |
|
| Khazohpa hnohta, ‘Maniah siesai teh, Atotaotheipa ta eima chô liata khâpa ma a tao thei tly?’ tah ei ta. |
|
| 18 |
|
| Chatanachôta ama o cha hmo pha to ta a pabie; Moleipazy pachâna he kei tawhta la â hla kaw. |
|
| 19 |
|
| Ama raona cha mosiapazy ta ama hmô nahta a ly ei ta, Thaichâpazy ta âmo cha pahneisao ei ta, |
|
| 20 |
|
| ‘Eima khakhaipazy chhawh pathlahpa châ ei ta, Laibâhpazy mei ta a kâ khai ha ei,’ ama tah. |
|
| 21 |
|
| “Khazohpa a ngiarih la, Ano nata aryhpa ta y mah y; Chatanachata na châta hmo phapa a vaw tlô aw. |
|
| 22 |
|
| A pakah tawhta pachuna a pyh la, A biezy na palôh liata khô mah y. |
|
| 23 |
|
| Atotaotheipa lâ na kua khiahta cha, Paduapathipa châ aw chi ta; Adoleina na poh o tawhta lâhlapi lâ thypa ta, |
|
| 24 |
|
| Ngôhzy dohlei liata pabu la, Ôphi ngôhzy chavah lôzy hry liata na pabu khiahta cha, |
|
| 25 |
|
| Atotaotheipa cha na ngôh vaw châ aw ta, Na tâkâ sôhpa a vaw châ aw. |
|
| 26 |
|
| Chatawhcha Atotaotheipa liata a ly aw chi ta, Khazohpa lâ na hmia na pachhua aw. |
|
| 27 |
|
| Ano lâ thlahchhâ aw chi ta, Na thlahchhâna thei aw ta, Na bietai na patlô ha aw. |
|
| 28 |
|
| Bie na pathlupa maih na châta taopa châ aw ta, Khaihna ta na lâpizy a pakhaih aw. |
|
| 29 |
|
| Khazohpa cha reisipazy a pachha tyhpa vâta, Panawhpa ama châ tita, ‘Apalaina vâta a châ,’ na tah aw. |
|
| 30 |
|
| Thailei a châpa taihta pachha aw ta, Na ku pathaihpa hmâpa ta a pachha aw,” tah ta. |
|
|
|
|