×

Ika Bible 2018

Jobu 23

1
Ya kẹ Jobu nọ sị,
2
“Kẹ tannị, m hụkwọ a kwan elu m, a kwanshi ẹ ikẹn; kẹ m sụnhanlẹ udẹn, ẹka Chuku gihụkwọ m ebe o gi m.
3
Omẹni m te marịn nwan ebe m'a nọ hụn Chuku; omẹni m te k'a s'ẹka jẹn ebe o bi!
4
Nkẹ m'e kinghọsị a, nkẹ m'a hụn ihiẹn m k'e kin ọhụnma-ọhụnma.
5
A hụn m ihiẹn o k'a shịarị m, a ghọta m ihiẹn o k'e ku.
6
Nị Chuku gi ikẹn ẹ hi-ogbe sọn m? Mba, o k'e gọn m ntịn.
7
Ebẹhụ, makẹni m kụrụ ọtọ, m k'a s'ẹka kinghọsị a elee-m elee-i, a wanahịn m'a, ịya hụn wụ Ọka-ikpe m.
8
Kanị, a chọgụọ m'a ẹbamịn ọwụwa-ẹnyanwụn, ọ rị ebẹhụ; e jẹn m ẹbamịn ọdịdan-ẹnyanwụn, ahụnnị m'a.
9
Ogẹn o gi rị ọrụn ẹbamịn-ugu, ahụnzịkwọnị m'a; o shi ẹbamịn ndịdan-mirin, ẹnya m egẹnrindẹn'ẹ.
10
Kanị ọ marịnghọ ụzọ m'a gha; o lelegụ m, m k'a pụha ọhụnma lekẹ goru.
11
M'e sọnchanrịn nzọmụkụ a; ụzọ a kẹ m'e sọn — aghatuni m'ẹ pụ.
12
Apatuni m oku gha a ọnụ pụha; oku-ọnụ a kadẹ m mkpa karị ihiẹn-oriri m.
13
Okusị-ọgụ k'ọ wụ; onyẹ k'a jụ a ihiẹn ọwụlẹ? Ihiẹn sụọn'a k'o mẹ.
14
Ọ hụ e mẹ m ihiẹn hụn o kutọgụ n'o k'e mẹ m, o nwọnzighọ ihiẹn bu ọda nọ ẹrịra o rotọnị m.
15
Ịya kẹ egun ẹ gi a tụ m; m nyanhan ihiẹnni ile, egun ẹ a tụma m.
16
Chuku e mẹgụọ ndụn gụ m; Onyẹ Hụ Nwọn Ikẹn Ile e bugụọ egun che m ẹnya.
17
Kanị ishi m rị imẹ ẹ ekpukinkọ m ọnụ; ẹkpa-ishini kpumẹ m ẹnya akwakinkọ m ọnụ.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes