×

BIBELE 1951

Jobo 23

1
Jobo a fetola a re:
2
Le lehono ke sa lla di mpefetše; seatla sa gagwe se nthoba ge ke fegelwa.
3
A mola nkabe ke tseba mo nkago mo hwetša, ka fihla mo go sedulo sa gagwe.
4
Ke mo nka bego ke mo anegela taba, molomo wa ka nka be ke o tlatša maiphetolelo.
5
Ke mo nka bego ke ekwa ge a mphetola; ka hlaologanya tše a tlogo mpotša tšona.
6
A a ka ntshekiša ka maatlamagolo a gagwe? Aowaa, a ka be a ntšhetša.
7
Gona o tlo fetolana le moloki, ka lokologa go ya go ile go Moahlodi wa ka.
8
Fela, ke leba bohlabela; gomme ga a gona. Ke leba bohlabela; gomme ga a gona. Ke leba bodikela; ka hloka le go mo kwa.
9
A ka ba modirong kua thoko ya leboa; ga ke mmone. Goba o fapogetše borwa? Nna ga ke mo hwetše.
10
Hleng tsela ye ke lego mo go yona o a e tseba; ge a ka nteka nkabe ke tlo tšwa boka gauta.
11
Maoto a ka a gomaretše nao tšagwe; ke swere ka tsela ya gagwe ke sa e fapoge.
12
Ga nka ka tlogela taelo tša molomo wagwe; polelo tša molomo wagwe ke di bolokile, ka lesa mokgwa wa ka.
13
Gomme yena ga a thiše. O bušwa ke mang? O dira se pelo ya gagwe e se ratago.
14
O tlo phetha se ke se beetšwego; gomme tše bjalo mo go yena ke tše ntši.
15
Ke tšona, ge ke tšhoga sefahlogo sagwe; ge ke eleletša, ke kwa ke boifa.
16
Modimo o tšhošitše pelo ya ka; Yomaatlaohle o nkgakantšhitše.
17
Gobane ga ke pateletšwe ke leswiswi le; ke tše di lego pele ga ka ge di utilwe bosong.
Sotho Bible 1951
Bible Society of South Africa 1986
:
Boloka Lintlha