×

أَتَّوْرَتْ دَ أَنَّبَاوَا 2020

Ayuba 24

1
«مٜىٰيَسَا مَيْ إِيكُواْ دُكَ بَيْ كَڢَ رَانَرْ شَرِيعَبَ؟ مٜىٰيَسَا حَرْ مَا وَطَنْدَ سُكَ سَنْ شِ بَسُ تَٻَ غَنِنْ رَانَرْ نَنْبَ؟
2
مُوغَيٜىٰ سُكَنْ ثِرٜىٰ عَلَمَرْ شَيْدَرْ إِيَاكَرْ ڧَسَا، سُڨُوثٜىٰ غَرْكُنَ سُمَيْدَسُو نَاسُ؞
3
سُكَنْ رَبَ مَرَايُ دَ جَاكُنَنْسُ، سُڨُوثٜىٰ سَانِيَرْ مَاتَرْ دَ مِجِنْتَ يَمُتُ، سُثٜىٰ جِنْ‌غِنَ نٜىٰ؞
4
سُكَنْ تُورَ تَلَكَ دَغَ حَنْيَ، مَتَلَوْتَنْ دُونِيَا سُكَنْ غَنْسُ سُٻُيَ؞
5
«غَاشِ، تَلَكَاوَا سُكَنْ ڢِتَ نٜىٰمَنْ عَبِنْثِ كَمَرْ جَاكُنَنْ دَاجِ أَ هَمَادَ، سُكَنْ ڢِتَ ڢَرَوْتَرْ عَبِنْثِ أَدَاجِ دُواْمِنْ یَیَنْسُ؞
6
سُكَنْ يِغِرْبِے أَغُواْنَرْ دَ بَتَاسُبَ، سُكُمَيِ كَالَنْ إِنَبِے دَغَ غُواْنَرْ مُوغُ؞
7
دُكَنْ دَرٜىٰ سُكَنْ ݣُونْتَ ڟِرَرَ بَابُ رِيغُنَ، بَا أَبِنْ رُڢُوَ كُمَ عَثِكِنْ سَنْيِ؞
8
سُكَنْ جِڧٜىٰ دَ ضُوً سَمَ مَيْ غَنْ‌غَرُواْوَ دَغَ تُدَّيْ، سُكَنْ ٻُواْيٜىٰ كَنْسُ أَغٜىٰڢٜىٰنْ دُوڟٜىٰ سُنَ نٜىٰمَنْ وُرِنْ ٻُيَ؞
9
«غَاشِ، مُوغَيٜىٰ سُكَنْ ڨُوثٜىٰ جَرِرِ مَيْ شَنْ نُواْنُواْ، جَرِرِنْ دَ بَابَنْسَ يَمُتُ، سُرِڧٜىٰ، سُثٜىٰ جِنْ‌غِنَنٜىٰ؞
10
«غَاشِ، تَلَكَاوَا سُكَنْيِ تَڢِيَ ڟِرَرَ بَابُ رِيغُنَ، دُكْ دَ يُنْوَرْ دَسُكٜىٰ ڢَامَ دَ عِتَ، دُواْلٜىٰ سُݣُوشٜىٰ دَمِ دَمٍ أَلْكَمَ؞
11
سُكَنْ مَڟٜىٰ مَيْ دَغَ یَیَنْ ظَيْتُنْ، سُيِنِ أَوُرَارٜىٰنْ مَڟٜىٰ یَیَنْ إِنَبِے، عَمَّا سُو كَنْسُ سُنَ ڢَامَ دَ ڧِشِنْ ضُوَ؞
12
عَثِكِنْ بِرْنِ، أَنَ جِنْ نِشٜىٰ نِشٜىٰنْ وَطَنْدَ سُكٜىٰ عَبَاكِنْ مُتُوَ، أَنَ جِنْ كُوكَنْ نٜىٰمَنْ تَيْمَكُواْ نَوَطَنْدَ عَكَيِ مُسُ رَوْنِ، عَمَّا اللَّهْ بَيْ بَادَ حَنْكَلِ غَ كُوكَنْسُبَ؞
13
«غَاشِ، مُوغَيٜىٰ سُنَ غَابَادَ حَصْكٜىٰ، وَطَنْدَ بَسُ غَانٜىٰ دَ هَنْيُواْيِنْسَبَ، وَطَنْدَ بَاسَ بِنْ هَنْيُواْيِنْسَ؞
14
دَ سَسَّڢٜىٰ مَيْ كِسَنْ كَيْ يَكَنْ تَاشِ دُواْمِنْ يَكَشٜىٰ تَلَكَ دَ مَيْ بُڧَاتَ، دَ دَرٜىٰ كُمَ يَذَمَ ٻَرَوُاْ؞
15
عِدُوانْ مَيْ ظِنَ يَكَنْ جِرَا سَيْ دُهُ يَيِ، سَيْ يَٻُواْيٜىٰ ڢُسْكَرْسَ يَثٜىٰ، ‹بَابُ عِدُوانْ دَ ذَيْ غَنِّ؞›
16
دَ دَرٜىٰ سُكَنْ ڢَاطَوَ غِدَاجٜىٰ، دَ رَانَ كُمَ سُكُلّٜىٰ كَنْسُ أَطَاكِ، بَ ضُوَنْسُ دَ حَصْكٜىٰ؞
17
غَمَا أَغَرٜىٰسُ دُكَنْ بَڧِنْ دُهُ سَاڢِيَ ثٜىٰ، أَغَرٜىٰسُ كُمَ رَظَنَرْ بَڧِنْ دُهُ أَبُواْكِنٜىٰ؞
18
«ثِكِنْ ڨِڢْتَوَرْ عِدُواْ، مُوغُ يَكَنْ ٻَثٜىٰ كَمَرْ كُمْڢَ عَكَنْ ضُوَ؞ أَنْ لَعَنْتَ رَبُوانْ ڧَسَرْدَ يَمَلَّكَ، بَا مَيْ مَڟٜىٰ یَیَنْ إِنَبِنْ دَظَيْبِے غُواْنَرْسَ؞
19
كَمَرْ يَدَّ ذَاڢِ دَ رَشِنْ ضُوَ، سُكَنْ سَا ڧَنْڧَرَ تَٻَثٜىٰ، حَكَ وُرِنْ ذَمَنْ مَتَتُّو يَكَنْيِ دَ مَيْ ذُنُوبِ؞
20
مَامَرْ دَ تَحَيْڢٜىٰشِ ذَاتَ مَنْتَادَشِ، ڟُڟَ ذَاتَ جِ دَاطِنْ ثِنْيٜىٰ جِكِنْسَ، بَاوَنْدَ ذَيْ ڧَارَ تُنَ دَشِ، حَكَ ذَاعَ كَرْيَ رَشِنْ غَسْكِيَ كَمَرْ إِتَاثٜىٰ؞
21
«مُوغُ يَكَنْ وُلَڧَنْتَ مَثٜىٰ وَدَّ بَاتَحَيْڢُوَ، بَايَ نُونَ أَلْحٜىٰرِ غَ مَثٜىٰنْ دَ مِجِنْتَ يَمُتُ؞
22
دُكْدَهَكَ، اللَّهْ يَنَدَ إِيكُواْ يَهَلَّكَ مَاسُ ڧَرْڢِے؞ كُواْدَيَكٜىٰ سُنَدَ ڧَرْڢِے، بَسُ دَ تَبَّثِنْ رَايُوَا؞
23
اللَّهْ يَكَنْ بَرْسُ سُيِ ذَمَنْ لَاڢِيَ حَرْ مَا أَغُواْيِ بَايَنْسُ، عِدَنُونْسَ كُمَ سُنَ كَنْ هَنْيُواْيِنْ رَايُوَرْسُ؞
24
مُوغُ يَكَنْيِ نَصَرَا نَطَنْ لُواْكَثِ بَدَ دَطٜىٰوَبَ سَيْيَٻَثٜىٰ؞ يَكَنْ تَاشِ كَمَرْ ڟِرُواْ، عَكَنْ يَنْكٜىٰشِ كَمَرْ كَنْ أَلْكَمَ؞
25
«تُواْ، إِنْ بَهَكَبَ، وَ ذَيْثٜىٰ إِنَ ڢَطِنْ ڧَضْيَا؟ كُواْ أَݣَويْ وَنْدَ ذَيْ نُونَ مَغَنَاتَ بَنْظَثٜىٰ؟»
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula