×

Biblia Ande Chib Romani 2018

Job 24

1
O Del kai si le sa e zor dikhel sa o vreme, ¿a soke amen nasti dikha gola llivesa?
2
Nakhen pe averengi umal, choren e guruven, ta den len te jan.
3
Choren o magarcho katar e bidadenge, ta kana si unllile e phivli, len lake guruve.
4
Ikanen katar o drom e llenen kai si chorre, ta sa e chorre kai si pe phuv gurudon.
5
Sargo e magarchura dive po pusto, llan thiarinako te cheren pi buchi ta te choren, po pusto von pravaren pe chaurren.
6
Ande umalia chinen pi char, ta e llene bilache chiden e drak kai inai lengi.
7
Soven nange soke inai len soia te ucharenpe katar o sil.
8
Chingon po bursin kai perel po burdo, ta lipinpe pe barra siletar.
9
Len e minone katar pe dako kolin, ta muken le pete lligo ni pochinen lenge.
10
Nange llan, bi patavenge, ta chirden averengo lliu bokhatar pe umalia.
11
Maskar e zidura cheren o zeitino, ta ustaven e drak, a meren trusatar.
12
Katar e forura roven gola kai si po meripe, ta kukin e llene kai si ranime ta si te meren, a o Del ni asunel lengo molipe.
13
Lenge inai drago o villelo, ta nikada ni kandie leke droma, ta ni phirde pe gola droma.
14
Mai anglal te llivosaol gua kai lel o zivoto llal ta mundarel e chorre ta gole kai inai le niso.
15
O lleno kai cherel o kurvaluko aduricharel te perel e riat, ta phenel: niko ni ka dikhel man, ta ucharel po mui.
16
Orachaia cheren iek putardipe pe chera kai ollivesea phende kai ka choren, ta ni kamen te pinllaren o villelo.
17
Soke lenge e thiarin si sargo e senka e merimaki, soke daran te liken po villelo.
18
Praste lokhe sargo o pai katar e len, lengi umal si proketime pe phuv, niko ni llan po drom katar lengi drak.
19
O sukipe ta o tatipe ikanen o pai katar o iv, isto gia o meripe ka cherel e bilache llenenchar.
20
Lengi dei ka bristarelpe lendar, ta ka aven gugle e chermenge, niko ni ka delpe golli lendar nikada, ta e bilache llene ka aven phage sargo iek kas.
21
Dukhada e diskinia kai nasti avena la minone, ta nikada ni cherda o lachipe e phivliake.
22
A o Del ka peravel e zuralen, soke kana vou cherel vareso, sa daran pe zivotoke.
23
Vou mukel te uzdinpe ta dikhel katar phiren.
24
Von sea bariarde cherricha, a mapalal meren, ta si dukhade gia sar si suako manus, ka aven phangle ta ka chindon sargo o lliu.
25
A te inai gia, ¿ko ka phenel kai kojavav akana, o ka phenel kai me alava ni mol len niso?
Romani Ursari Bible 2018
Biblia ande chib Romani Sociedad Bíblica Chilena, 2018
:
Save Notes