|
| 1 |
|
| Yomaatlakamoka, mabaka a reng a sa bewe ke yena? Le ba ba mo tsebago ga ba bone matšatši a gagwe. |
|
| 2 |
|
| Batho ba šuthiša mellwane, ba thopa mehlape ba e fudiša. |
|
| 3 |
|
| Ba gapa pokolo ya motho wa sešuana; ba swarelela ka dipholo tša mohlologadi. |
|
| 4 |
|
| Ba šušula badiidi tseleng; bahumanegi mo nageng ba utama bohle. |
|
| 5 |
|
| Sebao, ba tšwela medirong ya bona bjalo ka pokolo tša lešoka, ba tsogetše go yo sela; lešoka le ba nea bogobe bja bana ba bona. |
|
| 6 |
|
| Mabele ba buna nageng, ba budutša morara e sego wa bona. |
|
| 7 |
|
| Ba lala ba hlobotše ba hloka dikobo; ga ba na seaparo mohla wa maruru. |
|
| 8 |
|
| Ba newa ke dipula dithabeng; ba imanne ka magaga ka go hloka mo ba kago khuta. |
|
| 9 |
|
| Sešuana ba se tloša letsweleng, mmotlana ba mo swarelela ka se a se aperego. |
|
| 10 |
|
| Ba ba lesa ba sepela ba hlobotše, ba rwele dingata ba swerwe ke tlala. |
|
| 11 |
|
| Ba hlotla makhura gare ga merako; ba fotla morara ba nyorilwe. |
|
| 12 |
|
| Motseng go gokga ba ba hwago; ke mekgoši ya meoya ya babolawa; mme Modimo ga a di bone molato. |
|
| 13 |
|
| Bona bao ke bahloi ba seedi; ga ba tsebe ditsela tša gagwe; ga ba tle mebileng ya gagwe. |
|
| 14 |
|
| Senokwana se tsoga ge go esa; se yo bolaya mmotlana le modiitšana. O dira tša bohodu e le bošego. |
|
| 15 |
|
| Leihlo la seotswa le letela lesothwana; o re ke se bonwe ke leihlo, a pipetša sefahlogo ka lešela. |
|
| 16 |
|
| Nywako ba e bula ka leswiswi, mosegare ba itswalelela. Seetša ga ba se tsebe. |
|
| 17 |
|
| Bona bao bohle ke ba go re: Go sele, ge go le leswiswi, ka ge ba tlwaelane le tše di šiišago tša leswiswi. |
|
| 18 |
|
| E mongwe šolee, o rwelwe ke lewatle; motse wa gabo mono faseng o šala o lahlilwe; ga go sa bonwa tsela ya go tšwela mašemong. |
|
| 19 |
|
| Molete wa bahu o metša basenyi, boka komelelo le letšatši ge di metša meetse a sefako. |
|
| 20 |
|
| O lebalwa ke motswadi, o natefela poko, ga a sa gopolwa; bokgopo bo robja boka legong. |
|
| 21 |
|
| Ke yena wa go ja moopa a sa belegego, wa go se setše mosadi wa mohlologadi. |
|
| 22 |
|
| Ke yena a beago ba bagolo ka maatla a gagwe, ba tsoga mola ba šetše ba hutšologile go phela. |
|
| 23 |
|
| O ba gafela go iketla ba thekgilwe; mme mahlo a gagwe a bona ditsela tša bona. |
|
| 24 |
|
| Ge ba godile, ke tša lebakanyana fela; mme go hwetšwa ba se gona, ba sobetše, ba lobile boka bohle, ba ripilwe bjalo ka diako. |
|
| 25 |
|
| A ga go bjalo? -- Ke mang a kago re ke boletše maaka, a nyatšiša taodišo ya ka? |
|
|
|
|